ಭಾರತಕ್ಕೆ ಅಮೆರಿಕದ ರಾಯಭಾರಿಯಾಗಿ ನೇಮಕಗೊಂಡಿರುವ ಎರಿಕ್‌ಗೆ ಕೋವಿಡ್‌ ದೃಢ

ಗ್ಲೋಸ್ಗೋ: ಭಾರತಕ್ಕೆ ಅಮೆರಿಕದ ರಾಯಭಾರಿಯಾಗಿ ನೇಮಕಗೊಂಡಿರುವ, ಲಾಸ್‌ ಏಂಜಲೀಸ್‌ನ ಮೇಯರ್ ಎರಿಕ್‌ ಗಾರ್ಸೆಟ್ಟಿ ಅವರಿಗೆ ಕೋವಿಡ್‌–19 ದೃಢಪಟ್ಟಿದೆ.

ಇಲ್ಲಿ ನಡೆದ ವಿಶ್ವಸಂಸ್ಥೆಯ ಹವಾಮಾನ ಶೃಂಗಸಭೆಯಲ್ಲಿ ಅವರು ಪಾಲ್ಗೊಂಡಿದ್ದರು.

‘ಎರಿಕ್‌ ಗಾರ್ಸೆಟ್ಟಿ ಅವರಿಗೆ ಬುಧವಾರ ಕೋವಿಡ್‌–19 ದೃಢಪಟ್ಟಿದೆ.ತಾವು ಉಳಿದುಕೊಂಡಿರುವ ಹೋಟೆಲ್‌ನಲ್ಲಿ ಅವರು ಐಸೊಲೇಟ್‌ ಆಗಿದ್ದು, ಆರೋಗ್ಯ ಸ್ಥಿರವಾಗಿದೆ. ಅವರು ಕೋವಿಡ್‌ ಲಸಿಕೆಯ ಎರಡೂ ಡೋಸ್‌ ಪಡೆದಿದ್ದಾರೆ’ ಎಂದು ಅವರ ಕಚೇರಿ ಟ್ವೀಟ್‌ ಮಾಡಿದೆ.