ತಾಲಿಬಾನ್‌: ರಾಯಭಾರಿಗಳ ತಿರಸ್ಕಾರ

ನವದೆಹಲಿ: ನವದೆಹಲಿಯಿಂದ ನ್ಯೂಯಾರ್ಕ್‌ವರೆಗೆ ವಿವಿಧ ದೇಶಗಳ ರಾಜಧಾನಿಗಳಲ್ಲಿ ಇರುವ ಅಫ್ಗಾನಿಸ್ತಾನದ ರಾಯಭಾರ ಕಚೇರಿಯ ರಾಜತಾಂತ್ರಿಕರು ತಾಲಿಬಾನ್‌ ನೇತೃತ್ವದ ಸರ್ಕಾರವನ್ನು ಸ್ವೀಕರಿಸಲು ನಿರಾಕರಿಸಿದ್ದಾರೆ.

ನವದೆಹಲಿಯ ಚಾಣಕ್ಯಪುರಿಯಲ್ಲಿರುವ ಅಫ್ಗಾನಿಸ್ತಾನ ರಾಯಭಾರ ಕಚೇರಿಯಲ್ಲಿ ಇಸ್ಲಾಮಿಕ್‌
ರಿಪಬ್ಲಿಕ್‌ ಆಫ್‌ ಅಫ್ಗಾನಿಸ್ತಾನದ ತ್ರಿವರ್ಣ (ಕೆಂಪು–ಹಸಿರು–ಕಪ್ಪು) ಧ್ವಜವೇ ಬುಧವಾರವೂ
ಹಾರಾಡುತ್ತಿತ್ತು.

ನ್ಯೂಯಾರ್ಕ್‌ನಲ್ಲಿರುವ ವಿಶ್ವಸಂಸ್ಥೆ ಕಚೇರಿಯ ರಾಯಭಾರಿ, ವಾಷಿಂಗ್ಟನ್‌ ಮತ್ತು ಇತರ ದೇಶಗಳ ರಾಯಭಾರಿಗಳು ಕೂಡ ತಾಲಿಬಾನ್‌ ಸರ್ಕಾರವನ್ನು ಒಪ್ಪಿಕೊಂಡಿಲ್ಲ.

‘ತಾಲಿಬಾನ್‌ ನೇತೃತ್ವದ ಸರ್ಕಾರವನ್ನು ತಿರಸ್ಕರಿಸಿ’ ಎಂದು ವಿಶ್ವಸಂಸ್ಥೆಯಲ್ಲಿರುವ ಅಫ್ಗಾನಿಸ್ತಾನದ ರಾಯಭಾರಿ ಗುಲಾಂ ಇಸಕ್‌ಝೈ
ಹೇಳಿದ್ದಾರೆ.