ವಾಷಿಂಗ್ಟನ್‌ | ನೆರೆಗೆ ಒಡೆದ ಎರಡು ಅಣೆಕಟ್ಟು: ಸಾವಿರಾರು ಜನರ ಸ್ಥಳಾಂತರ
ವಾಷಿಂಗ್ಟನ್‌: ಭಾರಿ ಮಳೆಯಿಂದಾಗಿ ಬುಧವಾರ ಮಿಷಿಗನ್‌ನಲ್ಲಿ ಎರಡು ಅಣೆಕಟ್ಟುಗಳು ಒಡೆದು ಭಾರಿ ಪ್ರವಾಹ ಉಂಟಾಗಿದ್ದು, ಸಾವಿರಾರು ನಿವಾಸಿಗಳನ್ನು ಸ್ಥಳಾಂತರಿಸಲಾಗಿದೆ.
ಈಡನ್‌ವಿಲ್‌ ಹಾಗೂ ಸ್ಯಾನ್ಫರ್ಡ್‌ ಅಣೆಕಟ್ಟೆಗಳ ಪ್ರದೇಶದಲ್ಲಿ ತುರ್ತು ಪರಿಸ್ಥಿತಿಯನ್ನು ಗವರ್ನರ್‌ ಗ್ರೆಚೆನ್‌ ವಿಟ್ಮೆರ್‌ ಘೋಷಿಸಿದ್ದಾರೆ. ‘ಈ ಪ್ರದೇಶಗಳ ನಿವಾಸಿಗಳಿಗೆ ತಕ್ಷಣವೇ ಸುರಕ್ಷಿತ ಪ್ರದೇಶಗಳಿಗೆ ತೆರಳುವಂತೆ ಸೂಚಿಸಲಾಗಿದೆ’ ಎಂದು ವಿಟ್ಮೆರ್‌ ತಿಳಿಸಿದರು.
9 ಅಡಿ ನೀರು: ‘ಮಿಡ್‌ಲ್ಯಾಂಡ್‌ನಲ್ಲಿ ಅಂದಾಜು 42 ಸಾವಿರ ಜನರು ವಾಸಿಸುತ್ತಿದ್ದು, ಈ ಪ್ರದೇಶ ಮುಳುಗಡೆಯಾಗುವ ಸಾಧ್ಯತೆ ಇದೆ. ಇಲ್ಲಿ9 ಅಡಿ ಎತ್ತರದವರೆಗೆ ನೀರು ತುಂಬಿರಲಿದೆ. ಹಿಂದೆದೂ ಇಂಥ ನೆರೆ ಸಂಭವಿಸಿರಲಿಲ್ಲ’ ಎಂದು ಅವರು ಹೇಳಿದರು. ಡಿಟ್ರಾಯ್ಟ್‌ ಫ್ರೀ ಪ್ರೆಸ್‌ ಮಾಹಿತಿಯಂತೆ ನೆರೆಯಿಂದಾಗಿ ಯಾವುದೇ ಪ್ರಾಣ ಹಾನಿ ಸಂಭವಿಸಿಲ್ಲ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.