ಚಂದ್ರನಲ್ಲಿ ನೀರಿನ ಕಣ ಪತ್ತೆ: ನಾಸಾ

ವಾಷಿಂಗ್ಟನ್: ಚಂದ್ರನ ಒಂದು ಭಾಗದಲ್ಲಿ ನೀರಿನ ಕಣಗಳ ಚಲನೆ ಇರುವುದನ್ನು ವಿಜ್ಞಾನಿಗಳು ಪತ್ತೆ ಮಾಡಿದ್ದಾರೆ ಎಂದು ನಾಸಾ ಹೇಳಿದೆ.

‘ಭವಿಷ್ಯದ ಚಂದ್ರಯಾನಗಳಲ್ಲಿ ಗಗನಯಾನಿಗಳಿಗೆ ನೀರು ದೊರಕುವ ಸಾಧ್ಯತೆ ಪರಿಶೀಲಿಸಲು ಈ ಸಂಶೋಧನೆ ನೆರವಾಗುವ ನಿರೀಕ್ಷೆ ಇದೆ’ ಎಂದು ವಿಜ್ಞಾನಿಅಮಾಂಡ ಹೆಂಡ್ರಿಕ್ಸ್ ತಿಳಿಸಿದ್ದಾರೆ.

ಚಂದ್ರಗ್ರಹದಲ್ಲಿ ತೇವಾಂಶವೇ ಇಲ್ಲ ಎಂದೇ ಕಳೆದ ದಶಕದವರೆಗೂ ವಿಜ್ಞಾನಿಗಳು ಭಾವಿಸಿದ್ದರು. ಆದರೆ ಇಲ್ಲಿನ ಮಣ್ಣಿನಲ್ಲಿ ವಿರಳವಾಗಿ ನೀರಿನ ಕಣಗಳು ಇವೆ ಎನ್ನುವುದನ್ನು ಪತ್ತೆ ಮಾಡಲಾಗಿತ್ತು ಎಂದು ನಾಸಾ ತಿಳಿಸಿದೆ.