ಕೋವಿಡ್‌: ಒಂದು ಸೆಕೆಂಡ್‌ನಲ್ಲಿ ಫಲಿತಾಂಶ
Published 20 ಮೇ 2021, 15:13 IST
.
ನವದೆಹಲಿ: ಜೊಲ್ಲಿನ ಮಾದರಿಯ ಪರೀಕ್ಷೆ ಕೈಗೊಳ್ಳುವ ಮೂಲಕ ಕೇವಲ ಒಂದು ಸೆಕೆಂಡ್‌ನಲ್ಲಿ ಕೋವಿಡ್‌–19 ಸೋಂಕು ಇರುವುದನ್ನು ಪತ್ತೆ ಮಾಡಬಹುದು ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ.
ಈ ವಿನೂತನ ಪರೀಕ್ಷೆಗೆ ಸೆನ್ಸರ್‌ ವ್ಯವಸ್ಥೆಯನ್ನು ವಿಜ್ಞಾನಿಗಳು ಅಭಿವೃದ್ಧಿಪಡಿಸಿದ್ದಾರೆ. ಇದರಿಂದ, ಈಗಿರುವ ಪರೀಕ್ಷಾ ಪದ್ಧತಿಗಳಿಂದಲೂ ಅತಿ ವೇಗದಲ್ಲಿ ಫಲಿತಾಂಶ ದೊರೆಯಲಿದೆ.
‘ವ್ಯಾಕ್ಯುಮ್‌ ಸೈನ್ಸ್‌ ಆ್ಯಂಡ್‌ ಟೆಕ್ನಾಲಜಿ ಬಿ’ ನಿಯತಕಾಲಿಕೆಯಲ್ಲಿ ಈ ಬಗ್ಗೆ ಲೇಖನ ಪ್ರಕಟಿಸಲಾಗಿದೆ.
‘ಎಲೆಕ್ರೋಡ್‌ಗಳ ಮೇಲೆ ಜೊಲ್ಲಿನ ಮಾದರಿಯನ್ನು ಹಾಕಲಾಗುತ್ತದೆ. ಇದನ್ನು ಸೆನ್ಸರ್‌ ಪಟ್ಟಿಗಳನ್ನು ಕನೆಕ್ಟರ್‌ ಮೂಲಕ ಸರ್ಕ್ಯೂಟ್‌ ಬೋರ್ಡ್‌ಗೆ ಸಂಪರ್ಕ ಕಲ್ಪಿಸಲಾಗುತ್ತದೆ. ಇಲ್ಲಿ ದೊರೆಯುವ ಫಲಿತಾಂಶವನ್ನು ವಿಶ್ಲೇಷಿಸಲಾಗುತ್ತದೆ’ ಎಂದು ಲೇಖಕ ಮಿಂಘಾನ್‌ ಷಿಯಾನ್‌ ವಿವರಿಸಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.