ಕೋವಿಡ್‌ ಉಲ್ಬಣ: ಭಾರತದಿಂದ ಬರುವವರಿಗೆ ಪಾಕ್‌ನಲ್ಲೂ ನಿರ್ಬಂಧ

ಇಸ್ಲಾಮಾಬಾದ್: ಕೋವಿಡ್ -19 ಪ್ರಕರಣಗಳು ಭಾರೀ ಸಂಖ್ಯೆಯಲ್ಲಿ ಉಲ್ಬಣಿಸುತ್ತಿರುವ ಕಾರಣಕ್ಕೆ ಭಾರತದಿಂದ ಪ್ರಯಾಣಿಕರು ದೇಶದೊಳಕ್ಕೆ ಎರಡು ವಾರಗಳ ಕಾಲ ಬಾರದಂತೆ ನಿರ್ಬಂಧಿಸಲು ಪಾಕಿಸ್ತಾನ ಸೋಮವಾರ ನಿರ್ಧರಿಸಿದೆ.

‘ಎರಡು ವಾರಗಳವರೆಗೆ ಭಾರತವನ್ನು ‘ಸಿ’ ವರ್ಗಗಳ ದೇಶಗಳ ಪಟ್ಟಿಯಲ್ಲಿ ಇರಿಸಲು ಪಾಕಿಸ್ತಾನ ನಿರ್ಧರಿಸಿದೆ. ಭಾರತದಿಂದ ವಿಮಾನ ಮತ್ತು ಭೂ ಮಾರ್ಗಗಳ ಮೂಲಕ ಬರುವ ಪ್ರಯಾಣಿಕರಿಗೆ ನಿಷೇಧ ಹೇರಲಾಗಿದೆ’ ಎಂದು ಅದು ಹೇಳಿಕೆಯಲ್ಲಿ ತಿಳಿಸಿದೆ.