ಮಸೀದಿ ಪುನಃ ನಿರ್ಮಾಣ: ಪಾಕ್‌ ಸರ್ಕಾರ ಭರವಸೆ

ಲಾಹೋರ್‌: ‘ಭಾರತದ ವಾಯುಪಡೆಯ ದಾಳಿಯಿಂದ ನಾಶವಾಗಿದ್ದ ಮುರೀದ್ಕೆಯಲ್ಲಿರುವ ಜಮಾತ್–ಉದ್‌–ದಾವಾ (ಜೆಯುಡಿ) ಉಗ್ರ ಸಂಘಟನೆಯ ಕೇಂದ್ರ ಕಚೇರಿಯಾಗಿದ್ದ ಮಸೀದಿಯನ್ನು ಪುನಃ ನಿರ್ಮಾಣ ಮಾಡುವುದಾಗಿ ಸರ್ಕಾರ ಭರವಸೆ ನೀಡಿದೆ’ ಎಂದು ಪಾಕಿಸ್ತಾನ ಮರ್ಕಜ್‌ ಮುಸ್ಲಿಂ ಲೀಗ್‌ (ಪಿಎಂಎಂಎಲ್‌) ಶನಿವಾರ ಹೇಳಿದೆ.

ಪಿಎಂಎಂಎಲ್‌ ಪಕ್ಷವು ‘ಜಮಾತ್–ಉದ್‌–ದಾವಾ’ ಸಂಘಟನೆಯ ರಾಜಕೀಯ ಸಂಘಟನೆಯಾಗಿದೆ. ‘ಆಪರೇಷನ್‌ ಸಿಂಧೂರ’ದಲ್ಲಿ ಭಾರತೀಯ ಸೇನೆಯು ಈ ಉಗ್ರ ಸಂಘಟನೆಗೆ ಸೇರಿದ ಮಸೀದಿಯನ್ನು ಧ್ವಂಸ ಮಾಡಿತ್ತು.