ದಕ್ಷಿಣ ಆಫ್ರಿಕಾ | ಜೊಹಾನೆಸ್‌ಬರ್ಗ್‌ನಲ್ಲಿ ಅಪಘಾತ: 42 ಮಂದಿ ಸಾವು

ಜೊಹಾನೆಸ್‌ಬರ್ಗ್‌: ದಕ್ಷಿಣ ಆಫ್ರಿಕಾದ ಲೂಯಿ ಟ್ರಿಚಾರ್ಟ್‌ನ ಬೆಟ್ಟಸಾಲಿನ ಪ್ರದೇಶದಲ್ಲಿ ನಿಯಂತ್ರಣ ತಪ್ಪಿದ ಬಸ್‌ ಕಟ್ಟೆಯೊಂದಕ್ಕೆ ಅಪ್ಪಳಿಸಿದ್ದು, 42 ಮಂದಿ ಮೃತಪಟ್ಟಿದ್ದಾರೆ.   

ಅಪಘಾತವು ಭಾನುವಾರ ಸಂಭವಿಸಿದ್ದು, ಬಸ್‌ ದಕ್ಷಿಣ ಆಫ್ರಿಕಾದ ಈಸ್ಟರ್ನ್‌ ಕೇಪ್‌ನಿಂದ ದಕ್ಷಿಣದ ಕಡೆ ಸಾಗುತ್ತಿತ್ತು ಎಂದು ಅಧಿಕಾರಿಗಳು ಸೋಮವಾರ ತಿಳಿಸಿದ್ದಾರೆ. 

ಮೃತಪಟ್ಟವರ ಮತ್ತು ಗಾಯಗೊಂಡವರ ಸಂಖ್ಯೆಯನ್ನು ಪರಿಶೀಲಿಸಲಾಗುತ್ತಿದೆ ಎಂದು ಹೇಳಿರುವ ಪ್ರಾಂತೀಯ ಸರ್ಕಾರ, ಗಾಯಗೊಂಡವರ ಸಂಖ್ಯೆಯನ್ನು ತಿಳಿಸಿಲ್ಲ. ಆದರೆ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ಹೇಳಿದೆ.