ಬುರ್ಕಿನಾ ಫಾಸೊದಲ್ಲಿ ಬಾಂಬ್‌ ದಾಳಿ: 35 ಮಂದಿ ಸಾವು

ಔಗಾದೌಗು (ಬುರ್ಕಿನಾ ಫಾಸೊ): ಉತ್ತರ ಬುರ್ಕಿನಾ ಫಾಸೊದಲ್ಲಿ ರಸ್ತೆ ಬದಿ ಇಟ್ಟಿದ್ದ ಬಾಂಬ್‌ ಸ್ಫೋಟಗೊಂಡು ಕನಿಷ್ಠ 35 ಮಂದಿ ಮೃತಪಟ್ಟು, ಹಲವರು ಗಾಯಗೊಂಡಿದ್ದಾರೆ.

ಸೋಮವಾರ ಸೇನಾ ವಾಹನ ನಾಗರಿಕರನ್ನು ಹೊತ್ತು ಬೌರ್‌ಝಂಗಾ ಮತ್ತು ಡಿಜಿಬೊ ನಗರದ ಮಧ್ಯೆ ಸಾಗುತ್ತಿದ್ದಾಗ ಸ್ಫೋಟ ಸಂಭವಿಸಿದೆ ಎಂದು ಸಹೇಲ್‌ ಪ್ರದೇಶದ ಗವರ್ನರ್‌ ಲೆ.ಕರ್ನಲ್‌ ರೊಡೊಲ್ಫೆ ಸೊರ್ಘೊ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

ತತ್‌ಕ್ಷಣಕ್ಕೆ ಯಾವುದೇ ಉಗ್ರ ಸಂಘಟನೆಯೂ ದಾಳಿಯ ಹೊಣೆ ಹೊತ್ತಿಲ್ಲ. ಆದರೆ ಇಸ್ಲಾಮಿಕ್ ತೀವ್ರವಾದಿ ಭಯೋತ್ಪಾದಕ ಸಂಘಟನೆಗಳೇ ದಾಳಿ ನಡೆಸಿರಬಹುದೆಂದು ಶಂಕಿಸಲಾಗಿದೆ.