ಟರ್ಕಿ: ಅಂತಿಮ ಸಂಸ್ಕಾರಕ್ಕೆ ನೆರೆದಿದ್ದವರ ಮೇಲೆ ಟ್ರಕ್‌ ಹರಿದು ಐವರು ದುರ್ಮರಣ

ಇಸ್ತಾಂಬುಲ್‌: ಅಂತಿಮ ಸಂಸ್ಕಾರದಲ್ಲಿ ಪಾಲ್ಗೊಂಡಿದ್ದವರ ಮೇಲೆ ಟ್ರಕ್‌ ಹರಿದು ಐವರು ಮೃತಪಟ್ಟು, 25 ಜನರು ಗಾಯಗೊಂಡಿರುವ ಘಟನೆ ಟರ್ಕಿಯ ಕಹ್ರಮನ್‌ಮಾರಾಸ್‌ ಪ್ರಾಂತ್ಯದಲ್ಲಿ ನಡೆದಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಟ್ರಕ್‌ನ ಬ್ರೇಕ್‌ ವಿಫಲವಾಗಿ ರಸ್ತೆಯ ಇಳಿಜಾರಿನಲ್ಲಿ ಚಾಲಕನ ನಿಯಂತ್ರಣಕ್ಕೆ ಸಿಗದ ಕಾರಣ ಈ ದುರಂತ ಸಂಭವಿಸಿದೆ. ಗಾಯಗೊಂಡವರಲ್ಲಿ ಕೆಲವರ ಸ್ಥಿತಿ ಚಿಂತಾಜನಕವಾಗಿದೆ ಎಂದು ಪ್ರಾಂತ್ಯದ ಗವರ್ನರ್‌ ಅವರು ಅಲ್ಲಿಯ ಮಾಧ್ಯಮಗಳಿಗೆ ತಿಳಿಸಿದ್ದಾರೆ.

ಕಾರೊಂದರ ಪಕ್ಕದಲ್ಲಿ ಟ್ರಕ್‌ ತಲೆಕೆಳಗಾಗಿ ಬಿದ್ದಿರುವುದು ಮತ್ತು ಕಾರು ನಜ್ಜುಗುಜ್ಜಾಗಿರುವ ಚಿತ್ರವನ್ನು ಟರ್ಕಿಯ ಸುದ್ದಿಸಂಸ್ಥೆ ಪ್ರಕಟಿಸಿದೆ.