‘ಅಮೆರಿಕ: ಕಡಿಮೆ ದರದ ಔಷಧ ಆಮದಿಗೆ ನಾಗರಿಕರಿಗೆ ಅವಕಾಶ’

ವಾಷಿಂಗ್ಟನ್‌: ಕೆನಡಾದಿಂದ ಕಡಿಮೆ ದರದ ಔಷಧಗಳನ್ನು ಆಮದು ಮಾಡಿಕೊಳ್ಳಲು ಅಮೆರಿಕದ ನಾಗರಿಕರಿಗೆಅವಕಾಶ ನೀಡುವ ಯೋಜನೆ ಜಾರಿಗೆ ಟ್ರಂಪ್‌ ಆಡಳಿತ ಸಿದ್ಧತೆ ನಡೆಸಿದೆ ಎಂದು ಆರೋಗ್ಯ ಮತ್ತು ಮಾನವ ಸೇವೆ ಕಾರ್ಯದರ್ಶಿ ಅಲೆಕ್ಸ್‌ ಅಜರ್‌ ತಿಳಿಸಿದ್ದಾರೆ.

ಸಿಎನ್‌ಬಿಸಿಗೆ ನೀಡಿದ ಸಂದರ್ಶನದಲ್ಲಿ ‘ಈ ಕುರಿತು ಟ್ರಂಪ್‌ ನನ್ನ ಜತೆ ಚರ್ಚಿಸಿದ್ದಾರೆ. ಇದರಿಂದ ನಾಗರಿಕರಿಗೆ ನೆರವಾಗಲಿದೆ’ ಎಂದು ಅಲೆಕ್ಸ್‌ ಹೇಳಿದರು.