ಯುನೈಟೆಡ್ ಹೆಲ್ತ್‌‌ಕೇರ್ ಸಂಸ್ಥೆಯ ಸಿಇಒ ಹತ್ಯೆ

ನ್ಯೂಯಾರ್ಕ್: ಯುನೈಟೆಡ್ ಹೆಲ್ತ್‌‌ಕೇರ್ ಸಂಸ್ಥೆಯ ಸಿಇಒ ಬ್ರಯಾನ್ ಥಾಂಪ‍್ಸನ್ ಅವರನ್ನು ಮ್ಯಾನ್‌ಹಟನ್ ನಗರದ ಹಿಲ್ಟನ್‌ ಹೋಟೆಲ್‌ ಬಳಿ ಬುಧವಾರ ಬೆಳಿಗ್ಗೆ ಗುಂಡಿಕ್ಕಿ ಹತ್ಯೆ ಮಾಡಲಾಗಿದೆ.

ಹಂತಕ ತಲೆಮರೆಸಿಕೊಂಡಿದ್ದಾನೆ. ಬ್ರಯಾನ್ ಅವರನ್ನು ತಕ್ಷಣ ಆಸ್ಪತ್ರೆಗೆ ಕರೆದೊಯ್ದರೂ ಬದುಕುಳಿಯಲಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.  

ಹೋಟೆಲ್‌ನಲ್ಲಿ ಸಂಸ್ಥೆಯ ವಾರ್ಷಿಕ ಸಭೆ ನಡೆಯುತ್ತಿತ್ತು. ಆರೋಗ್ಯ ಕ್ಷೇತ್ರದ ಪ್ರಮುಖ ಸಂಸ್ಥೆಯಾಗಿರುವ ಯುನೈಟೆಡ್‌ ಹೆಲ್ತ್‌ಕೇರ್‌ನಲ್ಲಿ ಮೂರು ವರ್ಷಗಳಿಂದ ಅವರು ಸಿಇಒ ಆಗಿದ್ದರು.