ಜಯಾ ಜಯಾ ಜಾಕೆಟ್ಟು... ಜಯನ ಗಂಡ ರಾಕೆಟ್ಟು ಎಂದು ಹಾಡುತ್ತಾ ಜಾಕೆಟ್ನ ಮೋಹಕತೆ ಮತ್ತು ರಾಕೆಟ್ನ ವೇಗದೊಂದಿಗೆ ಜನ ಮನಸ್ಸನ್ನು ಗೆದ್ದ ಚಿತ್ರ ಶರಣ್ ಅಭಿನಯದ ರ್ಯಾಂಬೊ. ಶರಣ್ ಅಭಿನಯದ ನೂರನೇ ಚಿತ್ರ ಇದಾಗಿತ್ತು. ರಂಜನೆಯನ್ನೇ ಧ್ಯೇಯವಾಗಿಸಿಕೊಂಡ ಈ ಚಿತ್ರದಲ್ಲಿ ಕಣ್ಣಲ್ಲಿ ನೀರು ಜಿನುಗುವಂತೆ ಮಾಡಿದ ಹಾಡೊಂದಿದೆ. 'ಕಣ್ಣಾ ಮುಚ್ಚೇ ಕಾಡೇ ಗೂಡೇ ಆಟ ನಮ್ಮ ಬಾಳು' ಎಂದು ಆರಂಭವಾಗುವ ಈ ಹಾಡನ್ನು ವಿಜಯ್ ಪ್ರಕಾಶ್ ದನಿಯಲ್ಲಿ ಕೇಳುತ್ತಿದ್ದರೆ ನಮಗರಿವಿಲ್ಲದಂತೆ ಕಣ್ಣ ಹನಿ ಜಾರುತ್ತದೆ.
ಎಲ್ಲರ ಹೃದಯಕ್ಕೆ ಹತ್ತಿರವಾಗುವ ಈ ಹಾಡಿಗೆ ಸ್ಫೂರ್ತಿ ಸಿಕ್ಕಿದ್ದು ಮರಾಠಿ ಚಿತ್ರದಿಂದ. ಅತುಲ್ ಕುಲಕರ್ಣಿ ಅಭಿನಯದ 'ನಟರಂಗ್' ಮರಾಠಿ ಚಿತ್ರದಲ್ಲಿ 'ಖೇಲ್ ಮಾಂಡಲಾ' ಎಂಬ ಹಾಡು ರ್ಯಾಂಬೊ ಚಿತ್ರದಲ್ಲಿ ಕಣ್ಣಾ ಮುಚ್ಚೇ ಕಾಡೇ ಗೂಡೇ ಹಾಡಾಗಿದ್ದು ಹೇಗೆ ಎಂಬುದಕ್ಕೆ ಎರಡೂ ಹಾಡುಗಳ ರಾಗ, ಸಂಗೀತವನ್ನೊಮ್ಮೆ ಗಮನಿಸಿ.
ಚಿತ್ರ : ರ್ಯಾಂಬೊ
ಹಾಡು: ಕಣ್ಣಾ ಮುಚ್ಚೇ ಕಾಡೇ ಗೂಡೇ
ಗಾಯಕರು: ವಿಜಯ ಪ್ರಕಾಶ್
ಸಂಗೀತ: ಅರ್ಜುನ್ ಜನ್ಯ
ಸಾಮ್ಯತೆ
ಚಿತ್ರ: ನಟರಂಗ್ (ಮರಾಠಿ)
ಹಾಡು: ಖೇಲ್ ಮಾಂಡಲಾ
ಗಾಯಕರು: ಅಜಯ್ ಗೋಗಾವಲೆ
ಸಂಗೀತ ನಿರ್ದೇಶಕರು: ಅಜಯ್ - ಅತುಲ್
[related]
ಇತರ ಭಾಷೆಗಳ ಹಾಡು, ಸಂಗೀತದಿಂದ ಸ್ಫೂರ್ತಿ ಪಡೆದ ಕನ್ನಡ ಹಾಡುಗಳವನ್ನು ಪರಿಚಯಿಸುವ ಲೇಖನ ಸರಣಿ ಇದು. ಇಂಥಾ ಹಾಡುಗಳ ಬಗ್ಗೆ ನಿಮಗೆ ಮಾಹಿತಿ ಇದ್ದರೆ ಕಾಮೆಂಟ್ ಮೂಲಕ ಹಂಚಿಕೊಳ್ಳಿ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.