ಮಂಗಳವಾರ, 14-2-1962

ಲಾಗೂನ್ ಮಾದರಿಯ ರೇವಾಗಿ ಮಂಗಳೂರು ಬಂದರಿನ ಅಭಿವೃದ್ಧಿ
ಮಂಗಳೂರು, ಫೆ. 13- ಮಂಗಳೂರು ಬಂದರನ್ನು “ಲಾಗೂನ್‌” ಮಾದರಿಯ ಸರ್ವಋತು ಬಂದರಾಗಿ ಅಭಿವೃದ್ಧಿಪಡಿಸುವ ಸಂಬಂಧದ ಕೆಲಸ ಆರಂಭಿಸುವುದಕ್ಕೆ ಕೇಂದ್ರ ಸಾರಿಗೆ ಮತ್ತು ಸಂಪರ್ಕ ಸಚಿವ ಶಾಖೆಯು ಅಂಗೀಕಾರ ನೀಡಿದೆ.

ರಸ್ತೆ ಸಾರಿಗೆ ನೌಕರರಿಗೆ 2 ತಿಂಗಳ ಬೋನಸ್
ಬೆಂಗಳೂರು, ಫೆ. 13- 1960-61ನೇ ಸಾಲಿನಲ್ಲಿ 54 ಲಕ್ಷ 39 ಸಾವಿರ ರೂಪಾಯಿಗಳ ನಿವ್ವಳ ಲಾಭವನ್ನು ಗಳಿಸಿದ ಮೈಸೂರು ರಾಜ್ಯ ರಸ್ತೆ ಸಾರಿಗೆ ಕಾರ್ಪೊರೇಷನ್ನಿನ ಸುಮಾರು ಹನ್ನೊಂದು ಸಾವಿರ ಮಂದಿ ಕಾರ್ಮಿಕರಿಗೆ ಎರಡು ತಿಂಗಳ ಮೂಲ ವೇತನದಷ್ಟು ಬೋನಸ್ ನೀಡಲು ನಿರ್ಧರಿಸಲಾಗಿದೆ.