ಮಂಗಳವಾರ, 17-4-1962

ಮಂಗಳವಾರ, 17-4-1962
ಮೂರನೇ ಲೋಕಸಭೆ ಕಾರ್ಯಾರಂಭ
ನವದೆಹಲಿ, ಏ. 16 - `ದೇಶದ ಮತ್ತು ಜನತೆಯ ಯೋಗಕ್ಷೇಮದ ಗುರುತರ ಹೊಣೆ ವಹಿಸಿಕೊಳ್ಳುವ~ ಸೂಚನೆಯಾಗಿ ಎಲ್ಲ ಸದಸ್ಯರೂ ಮೌನವಾಗಿ ಎದ್ದು ನಿಂತು ಈ ದಿನ ಭಾರತದ ಮೂರನೆಯ ಲೋಕ ಸಭೆ ತನ್ನ ಐದು ವರ್ಷಗಳ ಅಧಿಕಾರಾವಧಿಯನ್ನು ಆರಂಭಿಸಿತು.

ಮೆಡಿಕಲ್ ಸ್ಕೂಲ್‌ಗಳ ರದ್ದು?
ದಾವಣಗೆರೆ, ಏ. 16 -  ವೈದ್ಯಕೀಯ ಡಿಪ್ಲೋಮಾಗಳನ್ನು ನೀಡುವುದರ ವಿರುದ್ಧ ತಜ್ಞರು ಅಭಿಪ್ರಾಯಗಳನ್ನು ನೀಡಿರುವುದರಿಂದ ಮುಂದಿನ ಶಿಕ್ಷಣ ವರ್ಷದ ಆದಿಯಿಂದ ಮೆಡಿಕಲ್ ಸ್ಕೂಲ್‌ಗಳನ್ನು ಮುಚ್ಚಲಾಗುವುದೆಂಬ ಸೂಚನೆಯನ್ನು ನಿನ್ನೆ ಮುಖ್ಯಮಂತ್ರಿ ಶ್ರೀ ಎಸ್. ಆರ್. ಕಂಠಿಯವರು ಇಲ್ಲಿ ಪೌರ ಸನ್ಮಾನ ಸಮಾರಂಭದಲ್ಲಿ ಮಾಡಿದ ಭಾಷಣದಲ್ಲಿ ವ್ಯಕ್ತಪಡಿಸಿದರು.