ಶುಕ್ರವಾರ, 21-10-1961

ನೆಹರೂ ಅತಿಥಿಯಾಗಿ ಮೇಜರ್ ಗಗಾರಿನ್
ನವದೆಹಲಿ, ಅ. 20 - ಭಾರತಕ್ಕೆ ನಾಲ್ಕು ದಿನಗಳ ಭೇಟಿಯ ಮೇಲೆ ಅಕ್ಟೋಬರ್ 26 ರಂದು ಇಲ್ಲಿಗೆ ಆಗಮಿಸುವ ಪ್ರಥಮ ಗಗನಯಾತ್ರಿ ಮೇಜರ್ ಗಗಾರಿನ್ ಅವರು ರಾಜಧಾನಿಯಲ್ಲಿ ಪ್ರಧಾನಿ ನೆಹರೂ ಅತಿಥಿಗಳಾಗಿ ಅವರ ಗೃಹದಲ್ಲಿ ತಂಗುವರು.

ಅಕ್ಟೋಬರ್ 26 ರಂದು ಮೇಜರ್ ಗಗಾರಿನ್ ಅವರು ಆಗಮಿಸಿದ ಕೂಡಲೇ ಪತ್ರಕರ್ತರನ್ನು ಭೇಟಿ ಮಾಡುವರು. ಭಾರತ - ರಷ್ಯ ಸಾಂಸ್ಕೃತಿಕ ಸಂಘದವರನ್ನು ಉದ್ದೇಶಿಸಿ ಭಾಷಣ ಮಾಡುವರು. ನಂತರ ನೌಕಾದಳದ ಸತ್ಕಾರ ಸಮಾರಂಭದಲ್ಲಿ ಭಾಗವಹಿಸುವರು.

ಆಹಾರದ ಉತ್ಪತ್ತಿ ಹೆಚ್ಚಿದರೂ ಬೆಲೆ ಕಡಿಮೆಯಾಗದು
ಮುಂಬೈ, ಅ. 20- ರಾಷ್ಟ್ರದಲ್ಲಿ ಇನ್ನು ಕೆಲ ವರ್ಷದಲ್ಲಿ ಆಹಾರ ಧಾನ್ಯಗಳ ಉತ್ಪತ್ತಿ ದ್ವಿಗುಣಗೊಂಡರೂ ಆಹಾರ ಪದಾರ್ಥಗಳ ಬೆಲೆಯನ್ನು ಕಡಿಮೆ ಮಾಡುವ ಸಾಧ್ಯತೆ ಇಲ್ಲವೆಂದು ಕೇಂದ್ರ ಆಹಾರ ಮತ್ತು ವ್ಯವಸಾಯ ಮಂತ್ರಿ ಶ್ರೀ ಎಸ್. ಕೆ. ಪಾಟೀಲ್ ಅವರು ಇಂದು ಇಲ್ಲಿ ತಿಳಿಸಿದರು.