ಶುಕ್ರವಾರ, 6–12–1963

ಮಹಾರಾಷ್ಟ್ರದೊಡನೆ ಗೋವ ವಿಲೀನ ಖಚಿತ
ಪಂಜಿಮ್, ಡಿ. 5 – ಅಂತಿಮವಾಗಿ ಗೋವ ಮಹಾರಾಷ್ಟ್ರದೊಡನೆ ವಿಲೀನ ವಾಗುತ್ತದೆಂಬುದರಲ್ಲಿ ತಮಗೆ ಸಂದೇಹವೇ ಇಲ್ಲವೆಂದು ಕೇಂದ್ರ ರಕ್ಷಣಾ ಸಚಿವ ಶ್ರೀ ವೈ. ಬಿ. ಚವ್ಹಾಣ್‌ರವರು ಇಂದು ಇಲ್ಲಿಗೆ ಸಮೀಪದಲ್ಲಿರುವ ಬಿಕೋಲಿಮ್‌ನಲ್ಲಿ ಚುನಾವಣಾ ಪ್ರಚಾರ ಸಭೆಯೊಂದನ್ನುದ್ದೇಶಿಸಿ ಭಾಷಣ ಮಾಡುತ್ತಾ ತಿಳಿಸಿದರು.

ಮಹಾರಾಷ್ಟ್ರದೊಡನೆ ವಿಲೀನ ವಾಗಬೇಕೆಂಬುದಾಗಿ ಗೋವಾ ಜನತೆಯ ಹಂಬಲವನ್ನು ಕಂಡು ತಾವು ಈ ಅಭಿಪ್ರಾಯಕ್ಕೆ ಬಂದಿರುವುದಾಗಿಯೂ ಶ್ರೀ ಚವ್ಹಾಣ್‌ ನುಡಿದರು.