25 ವರ್ಷಗಳ ಹಿಂದೆ | ಭ್ರಷ್ಟಾಚಾರ ತಡೆಗೆ ‘ಪಂಚಾಯಿತಿ ಜಮಾಬಂದಿ’ ವ್ಯವಸ್ಥೆ

ಭ್ರಷ್ಟಾಚಾರ ತಡೆಗೆ ‘ಪಂಚಾಯಿತಿ ಜಮಾಬಂದಿ’ ವ್ಯವಸ್ಥೆ

ಬೆಂಗಳೂರು, ಮೇ 3– ಗ್ರಾಮ ಪಂಚಾಯಿತಿ ಮಟ್ಟದಲ್ಲಿ ಭ್ರಷ್ಟಾಚಾರ ತಡೆಗಟ್ಟಲು, ಸಾರ್ವಜನಿಕರೂ ಲೆಕ್ಕ ಪತ್ರಗಳನ್ನು ಪರಿಶೀಲಿಸಲು ಅನುಕೂಲವಾಗುವಂತೆ ‘ಪಂಚಾಯಿತಿ ಜಮಾಬಂದಿ’ ವ್ಯವಸ್ಥೆಯನ್ನು ಜಾರಿಗೊಳಿಸಲಾಗು ವುದು ಎಂದು ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್‌ ರಾಜ್ಯ ಸಚಿವ ಎಂ.ವೈ.ಘೋರ್ಪಡೆ ವಿಧಾನಸಭೆಯಲ್ಲಿ ತಿಳಿಸಿದರು.

ಅಧಿಕಾರ ವಿಕೇಂದ್ರೀಕರಣದ ಜತೆಗೆ ಭ್ರಷ್ಟಾಚಾರದ ವಿಕೇಂದ್ರೀಕರ ಣವಾಗಬಾರದು ಎಂಬ ಹಿನ್ನೆಲೆಯಲ್ಲಿ ಈ ವ್ಯವಸ್ಥೆಯನ್ನು ಜಾರಿಗೊಳಿಸಲಾಗುವುದು ಎಂದು ವಿವರಿಸಿದರು.