75 ವರ್ಷಗಳ ಹಿಂದೆ: ‌ಮೈಸೂರಿನಲ್ಲಿ ಕಚ್ಚಾ ಫಿಲಂ ತಯಾರಿಕೆ

‌ಮೈಸೂರಿನಲ್ಲಿ ಕಚ್ಚಾ ಫಿಲಂ ತಯಾರಿಕೆ

ಬೆಂಗಳೂರು, ನ. 21– ಭಾರತದಲ್ಲೇ ಪ್ರಥಮವಾಗಿ ಮೈಸೂರಿನಲ್ಲಿ ಕಚ್ಚಾ ಫಿಲಂ ತಯಾರಿಕೆ ಪ್ರಾರಂಭವಾಗುವುದು.

ಈ ಸಂಬಂಧ 2 ಕೋಟಿ ರೂ. ಯೋಜನೆಯನ್ನು ಇಂದು ಕೈಗಾರಿಕಾ ಸಚಿವ ಎಚ್‌.ಸಿ. ದಾಸಪ್ಪನವರ ಅಧ್ಯಕ್ಷತೆಯಲ್ಲಿ ನಡೆದ ಕಚ್ಚಾ ಫಿಲಂ ಸಲಹಾ ಸಮಿತಿಯ ಸಭೆ ಪರಿಶೀಲಿಸಿತು.

ಸಭೆಗೆ ಸರ್ಕಾರದ ಕೆಲವು ಅಧಿಕಾರಿಗಳು, ಚಲನಚಿತ್ರ ತಯಾರಿಕಾಗಾರರ ಪ್ರತಿನಿಧಿಗಳು ಮತ್ತು ಬಂಡವಾಳಗಾರರು ಭಾಗ ವಹಿಸಿದ್ದರು.

ಸದ್ಯದಲ್ಲಿ ಭಾರತ ಒಂದೂವರೆ ಕೋಟಿ ರೂ.ನಷ್ಟು ಕಚ್ಚಾ ಫಿಲಂ ಅನ್ನು ಪರದೇಶಗಳಿಂದ ತರಿಸಿ ಕೊಳ್ಳುತ್ತಿದೆ.