75 ವರ್ಷಗಳ ಹಿಂದೆ: ಮುಂಬೈ ಬಿಟ್ಟು ಲಂಡನ್ನಿಗೆ ಹೊರಟ ವಿಮಾನ ನಾಪತ್ತೆ

ಮುಂಬೈ ಬಿಟ್ಟು ಲಂಡನ್ನಿಗೆ ಹೊರಟ ವಿಮಾನ ನಾಪತ್ತೆ

ಗ್ರೆನೋಬಲ್‌, ನ. 4– ನಾಲ್ಕು ಎಂಜಿನ್‌ಗಳ ಇಂಡಿಯನ್‌ ಕಾನ್‌ಸ್ಟಲೇಷನ್ ವಿಮಾನವೊಂದು ದಕ್ಷಿಣ ಫ್ರಾನ್ಸಿನ ಪರ್ವತಗಳಲ್ಲಿ ಅಪಘಾತಕ್ಕೊಳಗಾಗಿದೆಯೆಂದು ಊಹಿಸಲಾಗಿದೆ.

ಈ ವಿಮಾನದಲ್ಲಿ ನಲ್ವತ್ತು ಭಾರತೀಯ ನಾವಿಕರೂ, ಎಂಟು ಮಂದಿ ಚಾಲಕ ದಳದವರೂ ಇದ್ದರೆಂದು ಹೇಳಲಾಗಿದೆ.

ಮುಂಬಯಿಯಿಂದ ಲಂಡನ್ನಿಗೆ ಹೋಗುತ್ತಿದ್ದ ಈ ವಿಮಾನವು ಜಿನೀವಾದಲ್ಲಿ ಬರಬೇಕಾಗಿದ್ದ ಕಾಲಕ್ಕೆ ಮೂರು ಗಂಟೆ ತಡವಾದರೂ ಬಂದಿರಲಿಲ್ಲ. ಏರ್‌ ಇಂಡಿಯಾ ಅಂತರರಾಷ್ಟ್ರೀಯ ವಿಮಾನವು ಮಾರ್ಸೇಲ್ಸ್‌ಗೆ ಈಶಾನ್ಯದಲ್ಲಿ ಮೂವತ್ತು ಮೈಲಿ ದೂರದಲ್ಲಿತ್ತೆಂದು ಕಡೆಯ ವರದಿ ಬಂದಿತ್ತು.