25 ವರ್ಷಗಳ ಹಿಂದೆ: ಶುಕ್ರವಾರ, 19–09–1997

ಬೆಂಗಳೂರು, ಸೆಪ್ಟೆಂಬರ್‌ 18– ಜಯನಗರ ಹಾಗೂ ಸುತ್ತಮುತ್ತಲ ಪ್ರದೇಶದಲ್ಲಿ ನಿನ್ನೆ ನಡೆದ ಹಿಂಸಾಚಾರದಿಂದ ಉಂಟಾಗಿದ್ದ ಉದ್ವಿಗ್ನ ಪರಿಸ್ಥಿತಿಯು ನಿಯಂತ್ರಣಕ್ಕೆ ಬಂದಿದೆ ಎಂದು ತಿಳಿಸಿದ ಗೃಹ ಖಾತೆಯ ರಾಜ್ಯ ಸಚಿವ ರೋಷನ್‌ಬೇಗ್‌ ಅವರು, ಹಿಂಸಾಚಾರ ಹಾಗೂ ಪೊಲೀಸ್‌ ಗೋಲಿಬಾರ್‌ನಿಂದ ಮೃತಪಟ್ಟ ನಾಲ್ವರ ಕುಟುಂಬದವರಿಗೆ ಇಂದು ಇಲ್ಲಿ ಪರಿಹಾರ ಪ್ರಕಟಿಸಿದರು.

ಗಲಭೆ ನಿರತ ಗುಂಪಿನ ಇರಿತದಿಂದ ಮೃತಪಟ್ಟ ಪೊಲೀಸ್‌ ಪೇದೆಯ
ಕುಟುಂಬ ವರ್ಗದವರಿಗೆ 2 ಲಕ್ಷ, ಗೋಲಿಬಾರ್‌ನಿಂದ ಸತ್ತ ಇಬ್ಬರು ಹಾಗೂ ಹೃದಯಾಘಾತದಿಂದ ಮೃತರಾದ ಬಸ್‌ ಪ್ರಯಾಣಿಕರೊಬ್ಬರ ಕುಟುಂಬ ವರ್ಗದವರಿಗೆ ತಲಾ 1 ಲಕ್ಷ ರೂಪಾಯಿ ಪರಿಹಾರ ನೀಡಲಾಗುತ್ತದೆ ಎಂದು ಅವರು ಸುದ್ದಿಗಾರರಿಗೆ ತಿಳಿಸಿದರು.