ಕಕ್ಷಿದಾರರ ಅರಣ್ಯರೋದನ

ಇತ್ತೀಚಿನ ವರ್ಷಗಳಲ್ಲಿ ನಮ್ಮ ನ್ಯಾಯಾಲಯಗಳು ಸುಸೂತ್ರವಾಗಿ ಕೆಲಸ ನಿರ್ವಹಿಸಲು ಅನೇಕ ಅಡಚಣೆಗಳು ಆಗುತ್ತಿವೆ. ಇದರಿಂದ ನಿಜವಾಗಿಯೂ  ತೊಂದರೆ ಆಗುವುದು ಕಕ್ಷಿದಾರರಿಗೆ. ಅವರ ಬವಣೆಗಳನ್ನು ಕೇಳುವವರೇ ಇಲ್ಲ.

ಕೆಲವು ವರ್ಷಗಳ ಹಿಂದೆ ನ್ಯಾಯಾಂಗ ವ್ಯವಸ್ಥೆ ಅತ್ಯಂತ ಚುರುಕಾಗಿ ಕಾರ್ಯ ನಿರ್ವಹಣೆ ಮಾಡಿದ ಸಾವಿರಾರು ಉದಾಹರಣೆಗಳಿವೆ. ಈಗ ಅದು ಚುರುಕಾಗಿಲ್ಲ. ಕಕ್ಷಿದಾರರು ತಮ್ಮ ಬವಣೆಗಳನ್ನು ನ್ಯಾಯಾಂಗದ ಗಮನ ತರಲು ಅವಕಾಶಗಳಿಲ್ಲ.

ಇತ್ತೀಚಿನ ದಿನಗಳಲ್ಲಿ ನ್ಯಾಯಾಲಯಗಳಿಗೆ ಹೋಗಿ ವಿವಾದ ಬಗೆಹರಿಸಿಕೊಳ್ಳುವುದು ಬಹು ಕಷ್ಟವಾಗಿದೆ. ಕೆಲವೇ ತಿಂಗಳಲ್ಲಿ ಬಗೆಹರಿಸಬಹುದಾದ ಪ್ರಕರಣಗಳು ಏಳೆಂಟು ವರ್ಷಗಳಾದರೂ ಇತ್ಯರ್ಥವಾಗುತ್ತಿಲ್ಲ.
 
ಈ ಬೆಳವಣಿಗೆಯನ್ನು  ನ್ಯಾಯಾಂಗದ ಹಿರಿಯರು ಮತ್ತು ಸರ್ಕಾರ ಗಂಭೀರವಾಗಿ ಪರಿಗಣಿಸಿ ವಿವಾದಗಳ ಶೀಘ್ರ ಇತ್ಯರ್ಥಕ್ಕೆ ಕ್ರಮ ತೆಗೆದುಕೊಳ್ಳಬೇಕೆಂದು ಕಕ್ಷಿದಾರರ ಪರವಾಗಿ ವಿನಂತಿಸುತ್ತೇನೆ.