ತಾರತಮ್ಯ ನೀತಿ ಸಲ್ಲದು

ಸೆಪ್ಟೆಂಬರ್ ೧೪, ಹಿಂದಿ ದಿನ ಆಚರಿಸಲಾಗುತ್ತದೆ. ಎಲ್ಲ ರಾಜ್ಯಗಳ ಕೇಂದ್ರ ಸರ್ಕಾರಿ ಕಚೇರಿಗಳಲಿ್ಲ ಆ ಆಚರಣೆ ನಡೆಯುತ್ತದೆ. ಮೊದಲು ಹಿಂದಿ ದಿವಸ ಇದ್ದದ್ದು ಈಗ ಹಿಂದಿ ಸಪ್ತಾಹ, ಹಿಂದಿ ಪಾಕ್ಷಿಕವಾಗಿ ವಿಸ್ತರಣೆಗೊಂಡಿದೆ. ಕೇವಲ ಹಿಂದಿಯೇತರ ಪ್ರದೇಶಗಳಿಗೆ (ತಮಿಳುನಾಡು ಹೊರತುಪಡಿಸಿ!) ಅನ್ವಯ ವಾಗುವಂತೆ ತ್ರಿಭಾಷಾ ಸೂತ್ರ ಮಾಡಿ ಅದರ ಮೂಲಕ ಕಲಿಕೆ, ಉದ್ಯೋಗ, ಗ್ರಾಹಕ ಸೇವೆ, ಮನರಂಜನೆ ಹೀಗೆ ಎಲ್ಲದರಲ್ಲೂ ಹಿಂದಿಯನ್ನು ವ್ಯವಸ್ಥಿತವಾಗಿ ಹೇರಲಾಗುತ್ತಿದೆ.

ಇದರಿಂದ  ಹಿಂದಿಯೇತರ ರಾಜ್ಯಗಳಲ್ಲಿನ ಕೇಂದ್ರ ಸರ್ಕಾರಿ ಇಲಾಖೆಗಳಲ್ಲಿ ಹಿಂದಿ ಬಲ್ಲವನು ಸುಲಭವಾಗಿ ಕೆಲಸ ಗಿಟ್ಟಿಸಿಕೊಂಡರೆ, ಹಿಂದಿ ಬರದವರು ಪೇಚಾಡುವ ಪರಿಸ್ಥಿತಿ ಉಂಟಾಗಿದೆ.

ಕೇಂದ್ರ ಸರ್ಕಾರ ಇಂಥ   ಹುಳುಕು ಭಾಷಾ ನೀತಿಯನ್ನು ಕೈಬಿಟ್ಟು ಎಲ್ಲರನ್ನೂ ಸಮಾನವಾಗಿ ಕಾಣುವ, ಸಮಾನ ಅವಕಾಶ ಒದಗಿಸುವ ಒಂದು ಭಾಷಾನೀತಿ ರೂಪಿಸುವತ್ತ ಗಮನಹರಿಸಬೇಕು.