ನಾಣ್ಯಗಳಿಗೆ ರಕ್ಷಣೆ ಬೇಕು

ಇತ್ತೀಚೆಗಷ್ಟೆ ಚಲಾವಣೆಗೆ ಬಂದಿರುವ ಬಂಗಾರ ಬಣ್ಣದ ಐದು ರೂಪಾಯಿ ನಾಣ್ಯಗಳು ಕಣ್ಮರೆಯಾಗುತ್ತಿವೆ. ಹಳೆಯ ಒಂದು ಹಾಗೂ ಎರಡು ರೂಪಾಯಿ ನಾಣ್ಯಗಳೂ ಕಣ್ಮರೆಯಾಗುತ್ತಿವೆ. ಈ ನಾಣ್ಯಗಳನ್ನು ಕರಗಿಸಿ ಬಳೆ, ಉಂಗುರ, ಚೈನ್ ಮುಂತಾದ ಆಭರಣಗಳನ್ನು ತಯಾರಿಸುತ್ತಾರೆಂಬ ವದಂತಿ ಇದೆ.

ಆದ್ದರಿಂದ ಸಂಬಂಧಪಟ್ಟವರು ನಾಣ್ಯ ಕರಗಿಸಿ ಆಭರಣ ತಯಾರಿಸುವವರು ಮತ್ತು ಧರಿಸುವವರ ವಿರುದ್ಧ ಬಿಗಿ ಕ್ರಮ ಕೈಗೊಂಡು ನಾಣ್ಯಗಳ ದುರ್ಬಳಕೆ ತಡೆಯಲಿ.