ಪಾದಚಾರಿ ಮಾರ್ಗಗಳು ಏಕಪ್ರಕಾರವಾಗಿರಲಿ

ರಾಜಾಜಿನಗರ ವಿವಿಧ ಬಡಾವಣೆಯ ರಸ್ತೆಯ ಇಕ್ಕೆಲಗಳ ಚರಂಡಿಗೆ ಹಾಸುಕಲ್ಲುಗಳನ್ನು ಒಂದೇ ಸಮನಾಗಿ ಹಾಕಿಲ್ಲ. ಇದರಿಂದ ಪಾದಚಾರಿಗಳಿಗೆ ನಡೆದಾಡಲು ಸಾಧ್ಯವಾಗುತ್ತಿಲ್ಲ.

ಏರುಪೇರಾಗಿರುವ ಪಾದಚಾರಿ ಮಾರ್ಗದ ಬದಲು ಎಲ್ಲರೂ ರಸ್ತೆಯನ್ನು ಬಳಸುವುದು ಅನಿವಾರ್ಯವಾಗಿದೆ. ಇದರಿಂದಾಗಿ ಮಕ್ಕಳು, ಮಹಿಳೆಯರು, ವಯಸ್ಸಾದವರು ಪಾದಚಾರಿ ಮಾರ್ಗ ಹಾಗೂ ರಸ್ತೆ ಎರಡೂ ಕಡೆ ನಡೆದಾಡದಂಥ ಸ್ಥಿತಿ ನಿರ್ಮಾಣವಾಗಿದೆ.

ಇಲ್ಲಿನ ರಸ್ತೆಗಳಲ್ಲಿ ವಾಹನ ದಟ್ಟಣೆ ಹೆಚ್ಚಾಗಿರುವುದರಿಂದ ಪಾದಚಾರಿಗಳು ಅಪಘಾತದ ಭೀತಿಯಲ್ಲೇ ನಡೆದಾಡಬೇಕು. ಹೀಗಾಗಿ ಈಗ ಹಾಕಿರುವ ಅವೈಜ್ಞಾನಿಕ ಕಲ್ಲು ಚಪ್ಪಡಿಗಳ ಬದಲು ಸಮತಟ್ಟಾದ ಕಾಂಕ್ರಿಟ್‌ ಹಾಸುಗಳನ್ನು ಹಾಕಬೇಕಾಗಿ ಪಾಲಿಕೆ ಅಧಿಕಾರಿಗಳಲ್ಲಿ ಮನವಿ.