ಪ್ರತ್ಯೇಕ ಸಿಗ್ನಲ್ ಅಳವಡಿಸಿ

ಜಯನಗರ 5ನೇ ಬ್ಲಾಕ್‌ನ ರಾಘವೇಂದ್ರ ಮಠ ವೃತ್ತದಲ್ಲಿ ಜೆ. ಪಿ. ನಗರ ಕಡೆಯಿಂದ ಬರುವ ವಾಹನಗಳಿಗೆ ಬಲ ತಿರುವು ನಿಷೇಧ ಜಾರಿಯಲ್ಲಿದೆ. ಈ ಮುಂಚೆ ಮಠದ ಎದುರುಗಡೆ ಬಲ ತಿರುವು ನೀಡಲಾಗಿತ್ತು.

ಕೆಲವು ದಿನಗಳಿಂದ ಅಲ್ಲಿಯೂ ಬ್ಯಾರಿಕೇಡ್ ಹಾಕಲಾಗಿದೆ. ಇದರಿಂದ ವಾಹನ ಸವಾರರಿಗೆ ತುಂಬಾ ತೊಂದರೆಯಾಗಿದೆ. ಹಾಗಾಗಿ ಈಗಿರುವ ಬಲ ತಿರುವು ನಿಷೇಧವನ್ನು ತೆಗೆದುಹಾಕಿ ನಾಲ್ಕೂ ಕಡೆಯಿಂದ ಬರುವ ವಾಹನಗಳಿಗೆ ಪ್ರತ್ಯೇಕ ಸಿಗ್ನಲ್ ಅಳವಡಿಸಿ ಜಯನಗರ 9ನೇ ಹಂತದ ಕಡೆ ಹೋಗುವ ವಾಹನ ಸವಾರರಿಗೆ ಅನುಕೂಲ ಮಾಡಿಕೊಡಬೇಕಾಗಿ ವಿನಂತಿ.