ಫಲಕದ ಎದುರೇ ಕಸದ ರಾಶಿ!

ವಿಜ್ಞಾನನಗರದಿಂದ ಬಸವನಗರಕ್ಕೆ ಹೋಗುವ ದಾರಿಯಲ್ಲಿ (ಸ್ಟಾರ್‌ ಬಜಾರ್‌ ಸಮೀಪ). ಸಾರ್ವಜನಿಕರು ಕಸ ತಂದು ಹಾಕುತ್ತಾರೆ. ಬಿಬಿಎಂಪಿ ಕಸದ ವಾಹನಗಳು ಸಮರ್ಪಕವಾಗಿ ಕಸದ ವಿಲೇವಾರಿ ಮಾಡುತ್ತಿಲ್ಲ.

ಜೊತೆಗೆ ಬಿಬಿಎಂಪಿ ಆಯುಕ್ತರ ಆದೇಶದ ನಾಮಫಲಕವಿದ್ದರೂ ಸಾರ್ವಜನಿಕರು ಆ  ಸ್ಥಳದಲ್ಲಿ ಕಸ ತಂದು ಹಾಕುತ್ತಿದ್ದಾರೆ. ರಸ್ತೆ ಪಕ್ಕದಲ್ಲಿ ತಿಪ್ಪೆಯಂತೆ ಕಸದ ರಾಶಿ ಬಿದ್ದಿದ್ದು, ಜನ ಮೂಗು ಮುಚ್ಚಿಕೊಂಡು ಓಡಾಡುವ ಪರಿಸ್ಥಿತಿ ನಿರ್ಮಾಣವಾಗಿದೆ. ಸಂಬಂಧಪಟ್ಟ ಅಧಿಕಾರಿಗಳು ಈ ಬಗ್ಗೆ ಕ್ರಮ ಕೈಗೊಳ್ಳಬೇಕೆಂದು ವಿನಂತಿ.
–ವೀರೇಶ್‌, ವಿಜ್ಞಾನನಗರ