ಬಡಪಾಯಿ ಗಂಡ

‘ಪತಿಯ ವೇತನದ ವಿವರ ತಿಳಿಯುವ ಹಕ್ಕು ಪತ್ನಿಗಿದೆ’ (ಪ್ರ.ವಾ., ಮೇ 28) ಎಂಬ ತೀರ್ಪು ಬಡಪಾಯಿ ಗಂಡಂದಿರುಗಳಿಗೆ ಬರ ಸಿಡಿಲಿನಂತೆ ಬಂದಿದೆ.

ಆರನೆಯ ವೇತನ ಆಯೋಗದಿಂದಾದ ಹೆಚ್ಚಳವನ್ನು ತಮ್ಮದೇ ರೀತಿಯಲ್ಲಿ ಖರ್ಚು ಮಾಡಲು ಹೊಂಚು ಹಾಕಿದ್ದ ಪತಿರಾಯರು ಇನ್ಮುಂದೆ ತಮ್ಮ ವಾರ್ಷಿಕ ವೇತನ ಬಡ್ತಿ, ತುಟ್ಟಿ ಭತ್ಯದ ಹೆಚ್ಚಳ, ವೇತನ ಆಯೋಗದ ಶಿಫಾರಸಿನ ನಂತರದ ಹೆಚ್ಚಳ... ಹೀಗೆ ಯಾವುದನ್ನೂ ಮುಚ್ಚಿಡದೆ ‘ಗೃಹಮಂತ್ರಿ’ಗಳಾಗಿರುವ ಅರ್ಧಾಂಗಿಗೆ ಅರುಹಿ, ಅವರ ಅನುಮೋದನೆಯನ್ನು ಪಡೆದುಕೊಂಡು ತಮ್ಮ ಪಾಲನ್ನು ಪಡೆದುಕೊಳ್ಳುವುದು ವಿಹಿತ. ಕೊಂಚ ಯಾಮಾರಿದರೂ ಗಂಡಂದಿರುಗಳಿಗೆ ಗಂಡಾಂತರ ತಪ್ಪಿದ್ದಲ್ಲ.

– ವೆಂಕಟೇಶ ಮುದಗಲ್, ಕಲಬುರ್ಗಿ