ಮಾಹಿತಿ ಮತ್ತು ‘ಮಾಯೆ’

ನಾಗೇಶ ಹೆಗಡೆಯವರ ‘ದೂಳು ಪ್ರಳಯಕ್ಕೆ ಉತ್ತರ ಭಾರತ ತತ್ತರ’ (ವಿಜ್ಞಾನ ವಿಶೇಷ, ಪ್ರ.ವಾ., ಮೇ 17), ನಮಗೆ ಅಷ್ಟಾಗಿ ಗೊತ್ತಿರದಿದ್ದ ‘ದೂಳು ಮಾರಿ’ಯ ಭಯಜನಕ ಮಹಾ ಮಾಹಿತಿಯನ್ನು ಪೂರೈಸಿತು! ಮಾಹಿತಿಯ ಮಾತಿರಲಿ, ಹೆಗಡೆಯವರ ಕಾವ್ಯಾತ್ಮಕ ನಿರೂಪಣೆಯ ‘ಮಾಯೆ’ಗೆ ಯಾರೂ ಮಾರುಹೋಗಬೇಕು.

ಈ ಜಾಗತಿಕ ಪ್ರಾಕೃತಿಕ ಘೋರ ವಿಕೋಪದ ಮುಂದೆ ನರನೊಂದು ಇರುವೆ, ಸ್ವಯಂಕೃತಾಪರಾಧದಿಂದ ಮುಂದೊಮ್ಮೆ ಅಳಿಸಿ ಹೋದೀತು ಅವನ ಇರವೆ! ಸಾಮಾನ್ಯವಾಗಿ ಸ್ವರ್ಗಸದೃಶವಾದ ನಿಸರ್ಗ ‘ನರಕಾಸುರ’ ನಾಗುತ್ತಿರುವ ದುರಂತ ದುಃಖಕರವಲ್ಲವೆ?

–ಸಿ.‍ಪಿ.ಕೆ., ಮೈಸೂರು