ವಿವಾಹಿತ ಮಹಿಳೆಗೆ ಐಡೆಂಟಿಟಿ ಇಲ್ಲವೇ?

ಕೆಲವು ಗಂಡಸರು ಮದುವೆಯಾಗುವ ಮಹಿಳೆಯ ಹೆಸರನ್ನು ಬದಲಿಸುವ ಪದ್ಧತಿ ಚಾಲ್ತಿಯಲ್ಲಿದೆ. ಈ ಮೂಲಕ ವಿವಾಹಿತೆ ತನ್ನ ತಾಯಿ ತಂದೆ ಪ್ರೀತಿಯಿಂದ ತನಗಿಟ್ಟ ಹೆಸರಿನ ಜೊತೆಗೆ ತವರು ಮನೆಯವರ ಅಡ್ಡ ಹೆಸರನ್ನೂ ಕಳೆದುಕೊಂಡು ಬಿಡುತ್ತಾಳೆ!

ಪ್ರತಿಭಟನೆ, ವಿರೋಧ, ಬಂಡಾಯ ಕೇವಲ ಗಂಡಸರ ಹಕ್ಕು. ಹೆಂಡತಿಯನ್ನು `ಅರ್ಧಾಂಗಿನಿ~ ಎಂದು ಕರೆಯುವುದು ಬರಿ ಬೊಗಳೆ, ಬೂಟಾಟಿಕೆ ಎನಿಸಿಬಿಡುತ್ತದಲ್ಲವೇ? ವಧುವಿನ ಹೆಸರನ್ನು ಬದಲಿಸುವ `ವ್ಯಾಧಿ~ ಮೂಢನಂಬಿಕೆಯಷ್ಟೇ ಅಲ್ಲ.

ಅದು ಪುರುಷ ಶ್ರೇಷ್ಠತೆಯ ವಿಕೃತ ಮನೋಭೂಮಿಕೆಯನ್ನು ಪರಿಚಯಿಸುತ್ತದೆ ಹೆಣ್ಣಿನ ಸ್ವಾತಂತ್ರ್ಯ, ವ್ಯಕ್ತಿತ್ವ ಹಾಗೂ ಐಡೆಂಟಿಟಿಯನ್ನು ಅಳಿಸಿ ಹಾಕುವ ಹುನ್ನಾರ ಇದಾಗಿದೆ. ಇದನ್ನು ಮಹಿಳೆಯರೇ ಪ್ರತಿಭಟಿಸಲು ಮುಂದಾಗಬೇಕು.