ಸಂಚಾರ ದಟ್ಟಣೆ ತಪ್ಪಿಸಿ

ನಗರದ ಕ್ವೀನ್ಸ್ ರಸ್ತೆಯ ಹಾ.ಮಾ. ನಾಯಕ್ ವೃತ್ತದ ಬಳಿ ಇರುವ ಸರ್ಕಾರಿ ಪಶು ಆಸ್ಪತ್ರೆಯ ದನಕರುಗಳು ಆಸ್ಪತ್ರೆಯ ಆವರಣದಿಂದ ಹೊರಬಂದು ರಸ್ತೆಗಳ ಮೇಲೆ ತಿರುಗಾಡುತ್ತಿವೆ.

ಇದರಿಂದಾಗಿ ಬೆಂಗಳೂರು ದಂಡು ಪ್ರದೇಶದಿಂದ ಶಿವಾಜಿನಗರದ ಕಡೆ ಬರುವ ವಾಹನ ಸವಾರರು ಸಮಸ್ಯೆ ಎದುರಿಸುವಂತಾಗಿದೆ. ರಸ್ತೆಯ ನಡುವೆ ನಿಲ್ಲುವ  ದನಗಳಿಗೆ ದ್ವಿಚಕ್ರ ವಾಹನಗಳು ಡಿಕ್ಕಿ ಹೊಡೆದು ಅಫಘಾತಗಳು ಆದ ಉದಾಹರಣೆಗಳೂ ಇವೆ. ಈ ಕುರಿತು ಆಸ್ಪತ್ರೆಯ ಸಿಬ್ಬಂದಿಯನ್ನು ವಿಚಾರಿಸಿದರೆ ಹಾರಿಕೆಯ ಉತ್ತರ ನೀಡುತ್ತಾರೆ.

ಸಮಸ್ಯೆಯನ್ನು ಗಂಭೀರವಾಗಿ ಪರಿಗಣಿಸಿ ಪಶುಗಳ ಹಾಗೂ ವಾಹನ ಸವಾರರ ಜೀವ ಉಳಿಸಲು ಸಂಬಂಧಪಟ್ಟವರು ಮುಂದಾಗಬೇಕು.