ಸಮಯಕ್ಕೆ ಬಾರದ ಬಸ್

ಹೊಸಕೋಟೆ ಮತ್ತು ಸುತ್ತಲಿನ ಹಳ್ಳಿಗಳಲ್ಲಿ ಬೆಂಗಳೂರಿನ ವಿವಿಧ ಕೇಂದ್ರ ಹಾಗೂ ರಾಜ್ಯ ಸರ್ಕಾರಿ ಕಚೇರಿಗಳಲ್ಲಿ ಕಾರ್ಯನಿರ್ವಹಿಸುವ ಹಲವು ಮಂದಿ ನೆಲೆಸಿದ್ದಾರೆ.

ಹೊಸಕೋಟೆಯಿಂದ ಕೆ.ಆರ್. ಮಾರುಕಟ್ಟೆಗೆ ಚಲಿಸುವ 317ನೇ ನಂಬರ್ ಬಸ್‌ನಲ್ಲಿ ಇವರೆಲ್ಲ ಪ್ರಯಾಣಿಸುತ್ತಾರೆ. ಆದರೆ, ಕಳೆದ ಮೂರು ತಿಂಗಳಿನಿಂದ ಬೆಳಿಗ್ಗೆ 7-50 ರಿಂದ 8-30ರವರೆಗೆ  317 ನಂಬರಿನ ಬಸ್ಸು ಬರುತ್ತಿಲ್ಲ.

ಇದರಿಂದ ಉದ್ಯೋಗಸ್ಥರೆಲ್ಲ ಸಮಯಕ್ಕೆ ಸರಿಯಾಗಿ ಕಚೇರಿಗೆ ತೆರಳಲು ಸಾಧ್ಯವಾಗದೆ ಎರಡು ಮೂರು ಬಸ್ಸು ಹಿಡಿದು ಪ್ರಯಾಣಿಸಬೇಕಾಗಿದೆ. ಬಸ್ ಹಿಡಿಯುವಲ್ಲಿ ಸ್ವಲ್ಪವೇ ವ್ಯತ್ಯಾಸವಾದರೂ ಕಚೇರಿಗೆ ವಿಳಂಬವಾಗುತ್ತದೆ. ಈ ಬಗ್ಗೆ ಸಂಬಂಧಪಟ್ಟವರು ಗಮನಹರಿಸಬೇಕು. ಕನಿಷ್ಠ ಮೂರು ಬಸ್‌ಗಳನ್ನಾದರೂ ಬಿಡಬೇಕೆಂದು ಕೇಳಿಕೊಳ್ಳುತ್ತೇವೆ.