ಸಮ್ಮೇಳನ: ಮಠಗಳ ಬಣ್ಣ ಬಯಲು

ಮೈಸೂರು ಜಿಲ್ಲೆ ಸುತ್ತೂರು ವೀರಶೈವರ ಸಮಾವೇಶದಿಂದ ನಮ್ಮಂತಹ ನೋಡುಗರಿಗೆ ಅನ್ನಿಸುವುದೇನೆಂದರೆ, ವೀರಶೈವ ಮಠಾಧಿಪತಿಗಳು ತಮ್ಮ ವೇಷವನ್ನು ಈ ಸಮ್ಮೇಳನದ ಮೂಲಕ ಬಯಲಾಗಿಸಿದ್ದು. ಅಂದರೆ ಅರಿವಿಗೂ ಅರಿವೆಗೂ ಯಾವ ಸಂಬಂಧವಿಲ್ಲವೆಂದು ಕಾವಿಧಾರಿಗಳು ಸಮ್ಮೇಳನದಲ್ಲಿ ಒಬ್ಬೊಬ್ಬರಾಗಿ ಸಾರ್ವತ್ರಿಕವಾಗಿ ಸಾಬೀತುಪಡಿಸಿದ್ದಾರೆ.

ಮುಖ್ಯಮಂತ್ರಿ ಯಡಿಯೂರಪ್ಪನವರು ಮಠಗಳಿಗೆ ಹಣ ಕೊಟ್ಟು ಮಠಗಳನ್ನು ತಮ್ಮ ಪರ ಏಜೆಂಟ್‌ಗಳನ್ನಾಗಿ ಪರಿವರ್ತಿಸುತ್ತಿದ್ದಾರೆ ಅಂತ ಹಿಂದೆಯೇ ಅನ್ನಿಸಿತ್ತು. ಅದು ಈ ಸುತ್ತೂರು ಸಮ್ಮೇಳನದಲ್ಲಿ ಸಾಬೀತಾಗಿದೆ.

ವೀರಶೈವ ಧರ್ಮವು ಕರ್ನಾಟಕದಲ್ಲಿ ಯಾವುದೇ ಸಾಮಾಜಿಕ ಬದಲಾವಣೆಗಾಗಿ ಕೆಲಸ ಮಾಡುತ್ತಿದಂತಿಲ್ಲ. ಈ ಧರ್ಮದಿಂದ ತಾವು (ವೀರಶೈವರು) ಕರ್ನಾಟಕದಲ್ಲಿ ಅಲ್ಪಸಂಖ್ಯಾತರೆಂದು ಗುರುತಿಸಿಕೊಂಡು. ಸಂವಿಧಾನದ ಎಲ್ಲಾ ತರಹದ ರಾಜಕೀಯ ಆರ್ಥಿಕ ಸಾಮಾಜಿಕ ಮೀಸಲಾತಿಯನ್ನು ಪಡೆಯುವುದು ಇವರ ಉದ್ದೇಶ ಹೊರತು ಬೇರೇನೂ ಇಲ್ಲ.

ಇಂತಹ ಮಠಾಧಿಪತಿಗಳ ಕೈಗೆ ಕ್ರಾಂತಿಕಾರಿ ಬಸವಣ್ಣನ ವಿಚಾರಗಳು ಸಿಕ್ಕಿಕೊಂಡು ಮತ್ತೆ ಮತ್ತೆ ಅನಾಥವಾಗಿ ಸಾಯುತ್ತಿವೆ!