ಕುಟುಕುವುದರಲ್ಲೇ ಸಂತೋಷ

‘ಉಪವಾಸಕ್ಕೆ ಹೆದರಿ ಬ್ರಿಟಿಷರು ಓಡಿಹೋಗಲಿಲ್ಲ’ ಎಂದು ಹೇಳಿದ ಸಂಸದ ಅನಂತಕುಮಾರ ಹೆಗಡೆ (ಪ್ರ.ವಾ., ಫೆ. 2) ಮಾರ್ಮಿಕವಾಗಿ ಗಾಂಧೀಜಿಯತ್ತ ಕೈ ತೋರಿಸಿದ್ದಾರೆ. ಉತ್ತಮ ವಾಗ್ಮಿಯಾದ ಹೆಗಡೆ, ಭಾರತಕ್ಕೆ ಸ್ವಾತಂತ್ರ್ಯ ಹೇಗೆ ಲಭಿಸಿತು ಎಂಬುದನ್ನು ವಸ್ತುನಿಷ್ಠವಾಗಿ ಇಂದಿನ ಪೀಳಿಗೆಗೆ ವಿವರಿಸಬೇಕಿತ್ತು. ಅವರ ಗುರಿ ಕಾಂಗ್ರೆಸ್ ಮತ್ತು ಗಾಂಧಿ ಆಗಿದ್ದರಿಂದ, ಇವರನ್ನು ಕುಟುಕುವುದರಲ್ಲೇ ಅವರು ಸಂತೋಷಪಟ್ಟಂತಿದೆ. ಉಪವಾಸಕ್ಕೆ ಹೆದರಿ ಬ್ರಿಟಿಷರು ಓಡಿಹೋಗಲಿಲ್ಲ ಎನ್ನುವುದು ಕುಚೋದ್ಯದ ಮಾತು.

ಕೆ.ಎನ್.ಭಗವಾನ್, ಬೆಂಗಳೂರು