ವಾಚಕರ ವಾಣಿ: ತಳಮಳ ಹುಟ್ಟಿಸಿದ ಬರಹ

ವನ್ಯಜೀವಿ ಛಾಯಾಗ್ರಹಣದ ನೈತಿಕ ಪ್ರಶ್ನೆ ಕುರಿತ ಅಖಿಲೇಶ್ ಚಿಪ್ಪಳಿ ಅವರ ವಿಶ್ಲೇಷಣಾ ಲೇಖನವು (ಪ್ರ.ವಾ., ಜೂನ್‌ 21) ಮನಸ್ಸನ್ನು ಕದಡಿತು. ಯಾವ ವಿಡಿಯೊಗಳನ್ನು ನೋಡಿ ಮೆಚ್ಚಿ ತಲೆದೂಗುತ್ತೇವೋ ಅವುಗಳ ಹಿಂದೆ ಸರಿಪಡಿಸಲಾಗದ ತಪ್ಪುಗಳು ಘಟಿಸಿಹೋಗಿರುತ್ತವೆಯಲ್ಲಾ ಎಂದರಿತು ಬೇಸರವಾಯಿತು. ನಾವು ಪರಿಸರದ ವಿಚಾರವಾಗಿ ಮತ್ತಷ್ಟು ಸೂಕ್ಷ್ಮ ಜವಾಬ್ದಾರಿಗಳನ್ನು ಬೆಳೆಸಿಕೊಳ್ಳಬೇಕೆಂಬ ಎಚ್ಚರವನ್ನು ಈ ಲೇಖನ ನೀಡಿತು.

-ವಸುಂಧರಾ ಕದಲೂರು, ಬೆಂಗಳೂರು