ವಾಚಕರ ವಾಣಿ: ಎಸ್‌ಎಸ್‌ಎಲ್‌ಸಿ- ಫಲಿತಾಂಶ ಪ್ರಕಟಣೆ ಮುಂದೂಡಿ

ಪ್ರಸಕ್ತ ಸಾಲಿನ ಎಸ್ಎಸ್ಎಲ್‌ಸಿ ಪರೀಕ್ಷೆಯ ಫಲಿತಾಂಶವು ಇದೇ 15ನೇ ತಾರೀಖಿನ ಆಸುಪಾಸು ಪ್ರಕಟಗೊಳ್ಳ ಬಹುದು ಎಂದು ಪತ್ರಿಕೆಗಳಲ್ಲಿ ವರದಿಯಾಗಿದೆ. ಫಲಿತಾಂಶ ಬಂದ ತಕ್ಷಣ ಪ್ರಥಮ ಪಿಯು ದಾಖಲಾತಿ ಆರಂಭವಾಗ ಬೇಕು. ಆದರೆ ರಾಜ್ಯದ ಬಹುಪಾಲು ಪದವಿಪೂರ್ವ ಕಾಲೇಜುಗಳ ಪ್ರಾಂಶುಪಾಲರು, ಉಪನ್ಯಾಸಕರು 18ರವರೆಗೆ ದ್ವಿತೀಯ ಪಿಯು ವಾರ್ಷಿಕ ಪರೀಕ್ಷೆ ನಡೆಸುವುದರಲ್ಲಿ ತೊಡಗಿಕೊಂಡಿರುತ್ತಾರೆ. ಹೀಗಾಗಿ, ಪ್ರಥಮ ಪಿಯು ದಾಖಲಾತಿ ಕೆಲಸಕ್ಕೆ ಅಡ್ಡಿಯಾಗುತ್ತದೆ.

ಅಲ್ಲದೆ, ಪರೀಕ್ಷೆಯ ನಂತರ 15 ದಿನಗಳ ಕಾಲ ಮೌಲ್ಯಮಾಪನ ಕಾರ್ಯ ನಡೆಯುವುದರಿಂದ ಪದವಿಪೂರ್ವ ಕಾಲೇಜುಗಳಲ್ಲಿ ಪ್ರಾಂಶುಪಾಲರಾಗಲಿ, ಉಪನ್ಯಾಸಕರಾಗಲಿ ಇರುವುದಿಲ್ಲ. ಇದು ಎಸ್ಎಸ್ಎಲ್‌ಸಿ ಪಾಸಾದ ವಿದ್ಯಾರ್ಥಿಗಳು ಮತ್ತು ಪೋಷಕರ ಮೇಲೆ ಅನಗತ್ಯ ಒತ್ತಡ ಸೃಷ್ಟಿಸುತ್ತದೆ. ಆದ್ದರಿಂದ ಎಸ್‌ಎಸ್‌ಎಲ್‌ಸಿ ಫಲಿತಾಂಶ ಪ್ರಕಟಣೆಯನ್ನು ಪ್ರಥಮ ಪಿಯು ದಾಖಲಾತಿಗೆ ಅನುಕೂಲವಾಗುವಂತೆ ಜೂನ್ ಮೊದಲ ವಾರದಲ್ಲಿ ಪ್ರಕಟಿಸಬೇಕು.

ಗುರುರಾಜ್ ಎಸ್. ದಾವಣಗೆರೆ,ಬೆಂಗಳೂರು