ಪಠ್ಯಕ್ಕೆ ಮಂಜಮ್ಮ ಜೀವನಚರಿತ್ರೆ: ಸ್ವಾಗತಾರ್ಹ ಕ್ರಮ

ಜಾನಪದ ಅಕಾಡೆಮಿ ಅಧ್ಯಕ್ಷೆ ಮಂಜಮ್ಮ ಜೋಗತಿ ಅವರ ಜೀವನಚರಿತ್ರೆ ‘ನಡುವೆ ಸುಳಿವ ಹೆಣ್ಣು’ ಅನ್ನು ಗುಲ್ಬರ್ಗ ವಿಶ್ವವಿದ್ಯಾಲಯದ ಬಿ.ಎಸ್ಸಿ ಕನ್ನಡ ವಿಷಯದ ಪಠ್ಯಕ್ರಮಕ್ಕೆ ಅಳವಡಿಸುವ ಕಾರ್ಯ ನಡೆದಿರುವುದನ್ನು ತಿಳಿದು ಸಂತೋಷವಾಯಿತು. ವಿವಿಧ ಕ್ಷೇತ್ರಗಳಲ್ಲಿ ಮಹತ್ತರ ಸಾಧನೆ ಮಾಡಿದವರ ಪರಿಚಯವನ್ನು ಅವರ ಜೀವನದ ಏಳು-ಬೀಳು, ಸಾಧನೆಗಳ ಮೂಲಕ ವಿದ್ಯಾರ್ಥಿಗಳಿಗೆ ಪರಿಚಯ ಮಾಡಿಕೊಡುವುದು ಉತ್ತಮವಾದ ಕಾರ್ಯ.

ಆದರೆ ಮಂಜಮ್ಮ ಅವರ ಜೀವನಚರಿತ್ರೆಯನ್ನು ಕೇವಲ ಬಿ.ಎಸ್ಸಿ ವಿದ್ಯಾರ್ಥಿಗಳನ್ನು ಗಮನದಲ್ಲಿ ಇಟ್ಟುಕೊಳ್ಳುವು ದಕ್ಕಿಂತ ಉಳಿದ ಎಲ್ಲಾ ವಿಭಾಗದ ವಿದ್ಯಾರ್ಥಿಗಳಿಗೂ ಅನ್ವಯವಾಗುವಂತೆ ಪಠ್ಯಕ್ರಮದಲ್ಲಿ ಅಳವಡಿಸುವುದು ಒಳ್ಳೆಯದು. ಶಾಲಾ ಪಠ್ಯಕ್ರಮದಲ್ಲಿ ಅಳವಡಿಸುವುದೂ ಅಪೇಕ್ಷಣೀಯ.‌

–ಸಂಪತ್ ಆಕಳವಾಡಿ, ಕೊಪ್ಪಳ