ಸ್ಮಾರಕಗಳನ್ನು ಸಂರಕ್ಷಿಸೋಣ

ಜಗತ್ಪ್ರಸಿದ್ಧ ಹಂಪಿಯ ಸಂರಕ್ಷಿತ ಸ್ಮಾರಕದೊಳಗೆ ವಿವಾಹಪೂರ್ವ ಫೋಟೊ ಶೂಟ್ ನಡೆಸಿರುವುದನ್ನು ತಿಳಿದು (ಪ್ರ.ವಾ., ನ. 23) ತುಂಬಾ ಬೇಸರವಾಯಿತು. ಫೋಟೊಗ್ರಾಫರ್‌ನ ನಿರ್ದೇಶನದಂತೆ ವಿವಿಧ ಭಂಗಿಗಳಲ್ಲಿ ಶೂಟ್ ಮಾಡಲು ಬಹಳಷ್ಟು ಸಮಯ ಹಿಡಿಯುತ್ತದೆ.

ಸ್ಮಾರಕಗಳ ಒಳಗೆ ಸಾರ್ವಜನಿಕರಿಗೆ ಪ್ರವೇಶ ನಿಷೇಧಿಸಿದ್ದರೂ ಲೀಲಾಜಾಲವಾಗಿ ಓಡಾಡಿ ಫೋಟೊ ಶೂಟ್ ಮಾಡಲಾಗಿದೆ. ಭದ್ರತಾ ಸಿಬ್ಬಂದಿಯನ್ನು ನಿಯೋಜಿಸಿದ್ದರೂ ಈ ಕೃತ್ಯ ನಡೆದಿದೆ. ಏನೇ ಆಗಲಿ, ಜವಾಬ್ದಾರಿಯುತವಾಗಿ ತನಿಖೆ ಕೈಗೊಂಡು ತಪ್ಪಿತಸ್ಥರನ್ನು ಶಿಕ್ಷಿಸುವ ಕಾರ್ಯ ಅತ್ಯಂತ ಅವಶ್ಯಕವಾಗಿ ಆಗಬೇಕು.
-ಕೆ.ಪ್ರಭಾಕರ, ಬೆಂಗಳೂರು