ಫೋನ್ ಕದ್ದಾಲಿಕೆ: ತನಿಖೆ ಆಗಲಿ

ಫೋನ್ ಕದ್ದಾಲಿಕೆಯು ಅಕ್ಷಮ್ಯ. ಹಿಂದೆ ಇಂತಹ ಆರೋಪ ಬಂದಾಗ, ಆಗ ಮುಖ್ಯಮಂತ್ರಿಯಾಗಿದ್ದ ರಾಮಕೃಷ್ಣ ಹೆಗಡೆ ಅವರು ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿ ಮಾದರಿಯಾದರು. ಈ ಬಗೆಯ ಆರೋಪ ಹೊತ್ತ ವ್ಯಕ್ತಿ ಕ್ಷಣಕಾಲವೂ ಅಧಿಕಾರದಲ್ಲಿ ಇರಬಾರದು ಎನ್ನುವುದು ಅವರ ನಿಲುವಾಗಿತ್ತು. ಇದೀಗ ಬೇರೊಂದು ಫೋನ್ ಕದ್ದಾಲಿಕೆ ಪ್ರಕರಣ ಬೆಳಕು ಕಂಡಿದೆ. ಜನಸಾಮಾನ್ಯರು ಸತ್ಯ ತಿಳಿಯಲು ಕಾತರರಾಗಿದ್ದಾರೆ.

ತಪ್ಪಿತಸ್ಥರಿಗೆ ಶಿಕ್ಷೆ ಆಗುವುದು ಪ್ರಜಾಪ್ರಭುತ್ವದ ಪಾವಿತ್ರ್ಯ ಕಾಪಾಡುವ ದೃಷ್ಟಿಯಿಂದ ಅಗತ್ಯ.ಮುಖ್ಯಮಂತ್ರಿ ಈ ವಿಷಯದಲ್ಲಿ ಹಿಂದೆಮುಂದೆ ನೋಡದೆ, ತನಿಖೆಗೆ ಆದೇಶಿಸಿ ಜನರಿಗೆ ಸತ್ಯದರ್ಶನ ಮಾಡಿಸಲು ಮುಂದಾಗಲಿ.

ಸತ್ಯಬೋಧ, ಬೆಂಗಳೂರು