ತೊಂದರೆ ಕೊಡುವ ಪ್ರತಿಭಟನೆ ಸಲ್ಲದು

ಹಾಸನ ಜಿಲ್ಲೆಯ ಅರಸೀಕೆರೆಯಲ್ಲಿ ನಗರಸಭೆ ಅಧಿಕಾರಿಗಳು ಒಳಚರಂಡಿ ವ್ಯವಸ್ಥೆಗೆ ಸಂಬಂಧಿಸಿದಂತೆ ನಿರ್ಲಕ್ಷ್ಯ ವಹಿಸಿದ್ದಾರೆಂದು ಆರೋಪಿಸಿ, ರಾಜಕೀಯ ಪಕ್ಷವೊಂದರ ಕಾರ್ಯಕರ್ತರು ಇತ್ತೀಚೆಗೆ ನಗರಸಭೆ ಆವರಣಕ್ಕೆ ಕೊಳಚೆ ನೀರನ್ನು ತಂದು ಸುರಿದು ಪ್ರತಿಭಟಿಸಿದ್ದಾರೆ. ಇಡೀ ಪಟ್ಟಣದ ಸ್ವಚ್ಛತೆಯ ಜವಾಬ್ದಾರಿ ಹೊತ್ತ ಕಚೇರಿಯ ಆವರಣದಲ್ಲಿ ನಡೆದ ಇಂತಹ ಪ್ರತಿಭಟನೆಯಿಂದ ಸಮಸ್ಯೆ ಬಗೆಹರಿಯುವುದೋ ಅಥವಾ ಬಿಗಡಾಯಿಸುವುದೋ ಕಾಲವೇ ಉತ್ತರಿಸಬೇಕಿದೆ. ಆದರೆ ಸಾರ್ವಜನಿಕರು ಮತ್ತು ನೌಕರರಿಗೆ ತೊಂದರೆ ಕೊಡುವಂತಹ ಈ ಬಗೆಯ ಪ್ರತಿಭಟನೆ ಸರಿಯಲ್ಲ.

– ಸರ್ದಾರ್ ಎಂ. ತನಾಝ್, ಅರಸೀಕೆರೆ