ವಾಚಕರ ವಾಣಿ | ಶಿಕ್ಷಿತ ಶಿಕ್ಷಕರೇ... ಇದೆಂಥ ಪರಿಪಾಟ?

ರಾಜ್ಯ ವಿಧಾನ ಪರಿಷತ್ತಿನ ನಾಲ್ಕು ಕ್ಷೇತ್ರಗಳ ಪ್ರತಿನಿಧಿಗಳ ಆಯ್ಕೆಗೆ ನಡೆದ ಚುನಾವಣೆಯಲ್ಲಿ ಪದವೀಧರರು, ಶಿಕ್ಷಕರು ಮತ ಚಲಾಯಿಸಿದ್ದಾರೆ. ಈ ಚುನಾವಣೆಯ ನಾಲ್ಕು ಕ್ಷೇತ್ರಗಳಲ್ಲಿ ಸರಾಸರಿ ಶೇ 75ರಷ್ಟು ಮತದಾನ ಆಗಿದೆ.

ಪದವೀಧರರೂ ಶಿಕ್ಷಕರೂ ಆಗಿರುವ ಉಳಿದ ಶೇಕಡ 25ರಷ್ಟು ಮತದಾರರು ತಮ್ಮ ಮತವನ್ನು ಚಲಾಯಿಸದೇ ಇರುವುದಕ್ಕೆ ಕಾರಣ ಏನು? ಇದರಿಂದ ಅವರು ಸಮಾಜಕ್ಕೆ ನೀಡುವ ಸಂದೇಶವಾದರೂ ಏನು? ಇಂದಿನ ಮಕ್ಕಳನ್ನು ಮುಂದಿನ ಭವ್ಯ ಪ್ರಜೆಗಳನ್ನಾಗಿ ರೂಪಿಸುವ ಶಿಕ್ಷಕರಿಂದ ಇಂತಹ ನಡೆ ಅಕ್ಷಮ್ಯ. ಪ್ರಜಾಪ್ರಭುತ್ವದ ಮೂಲ ಪ್ರಕ್ರಿಯೆಯೇ ಮತದಾನ. ಅದರಿಂದಲೇ ದೂರ ಉಳಿಯುವಂತಹ ಶಿಕ್ಷಕರ ಮೇಲೆ ಕ್ರಮ ಕೈಗೊಳ್ಳಬೇಕು. ಇಂತಹವರೇ ಈ ಪರಿಪಾಟ ಬೆಳೆಸಿಕೊಂಡರೆ ಇನ್ನು ಜನಸಾಮಾನ್ಯರನ್ನು ಮತದಾನಕ್ಕೆ ಒಲಿಸುವುದು ಹೇಗೆ?

-ಪತ್ತಂಗಿ ಎಸ್. ಮುರಳಿ,ಬೆಂಗಳೂರು