ಧೈರ್ಯ ಇರುವುದು ಬಳೆ, ಕಡಗದಲ್ಲಲ್ಲ

ಯಾವುದಾದರೂ ವಿಚಾರದ ಬಗ್ಗೆ ತಮ್ಮ ಧೈರ್ಯ, ಶೌರ್ಯವನ್ನು ಸಾಬೀತುಪಡಿಸುವಾಗ ಸಾಮಾನ್ಯವಾಗಿ ಕೆಲವು ಪುರುಷರು ‘ನಾವು ಕೈಗೆ ಬಳೆ ತೊಟ್ಟಿಲ್ಲ’ ಎಂದು ಪದೇ ಪದೇ ಹೇಳುತ್ತಾರೆ. ಅವರ ಅರ್ಥದಲ್ಲಿ, ಕೈಗೆ ಬಳೆ ತೊಡುವುದು ಅಸಹಾಯಕತೆ, ದೌರ್ಬಲ್ಯ ಮತ್ತು ಅಸಮರ್ಥತೆಯನ್ನು ಬಿಂಬಿಸುತ್ತದೆ.

ಅಂತಹವರಿಗೆ ನನ್ನದೊಂದು ಕೋರಿಕೆ, ದಯಮಾಡಿ ಅವರು ಒಮ್ಮೆ ಬಳೆ ತೊಟ್ಟು ನೋಡಲಿ. ಆಗ ತಮ್ಮ ಧೈರ್ಯ, ಶೌರ್ಯವೇನಾದರೂ ಕಡಿಮೆ ಯಾಗುತ್ತದೆಯೇ ಎಂದು ಪರೀಕ್ಷಿಸಿಕೊಳ್ಳಲಿ. ಧೈರ್ಯ ಎಂಬುದು ಆತ್ಮವಿಶ್ವಾಸವೇ ಹೊರತು, ಅದು ಬಳೆ ಅಥವಾ ಕಡಗ ತೊಡುವುದರಿಂದ ಬರುವಂತಹದ್ದಲ್ಲ ಮತ್ತು ಅದು ಪುರುಷ ಅಥವಾ ಮಹಿಳೆಗೆ ಸೀಮಿತವಾದದ್ದೂ ಅಲ್ಲ.

ವಸುಂಧರಾ ಕೆ.ಎಂ., ಬೆಂಗಳೂರು