ವಾಚಕರ ವಾಣಿ: ಹಣ ವಸೂಲಿ: ಸ್ವಾಗತಾರ್ಹ ಬೆಳವಣಿಗೆ

ದೇಶದಿಂದ ಪರಾರಿ ಆಗಿರುವ ಉದ್ಯಮಿಗಳಾದ ವಿಜಯ್ ಮಲ್ಯ, ನೀರವ್ ಮೋದಿ ಹಾಗೂ ಮೆಹುಲ್ ಚೋಕ್ಸಿ ಅವರಿಂದ ಬ್ಯಾಂಕ್‌ಗಳಿಗೆ ವಂಚನೆಯಾಗಿದೆ ಎನ್ನಲಾದ ಹಣದಲ್ಲಿ ಜಾರಿ ನಿರ್ದೇಶನಾಲಯವು (ಇ.ಡಿ) ₹ 9 ಸಾವಿರ ಕೋಟಿ ವಸೂಲಿ ಮಾಡಿರುವುದು ಸ್ವಾಗತಾರ್ಹ ಬೆಳವಣಿಗೆ. ಇವರು ದೇಶದ ನಾನಾ ಬ್ಯಾಂಕ್‌ಗಳಲ್ಲಿ ಸಾವಿರಾರು ಕೋಟಿ ರೂಪಾಯಿ ಸಾಲ ಬಾಕಿ ಉಳಿಸಿಕೊಂಡಿರುವುದರಿಂದ ಇವರ ಸಂಪೂರ್ಣ ಆಸ್ತಿಯನ್ನು ಮುಟ್ಟುಗೋಲು ಹಾಕಿಕೊಳ್ಳಬೇಕು.

ದೇಶದ ಬ್ಯಾಂಕಿಂಗ್ ವಲಯದ ಈ ಅತಿದೊಡ್ಡ ‘ವಂಚನೆ’ ಪ್ರಕರಣದಲ್ಲಿ ಮೂವರಿಗೂ ಜೈಲು ಶಿಕ್ಷೆಯಾಗಬೇಕು. ವಂಚನೆ ಬೆಳಕಿಗೆ ಬರುವ ಮುನ್ನವೇ ವಿದೇಶಕ್ಕೆ ಹಾರಿ ಹೋಗಿರುವ ಇಂತಹವರಿಂದ ನಾವು ನಿರೀಕ್ಷೆ ಮಾಡುವುದಾದರೂ ಏನನ್ನು?

-ಶ್ರೀಧರ್ ಡಿ. ರಾಮಚಂದ್ರಪ್ಪ,ತುರುವನೂರು, ಚಿತ್ರದುರ್ಗ