ಕಾಂತಿಯುತ ತ್ವಚೆಯತ್ತ ಪ್ರತಿಯೊಬ್ಬರೂ ಗಮನ ಹರಿಸುತ್ತಾರೆ. ಮಾರುಕಟ್ಟೆಯಲ್ಲಿ ಸಿಗುವ ರಾಸಾಯನಿಕ ಪದಾರ್ಥಗಳುಳ್ಳ ಬ್ಯೂಟಿ ಕ್ರೀಂಗಳನ್ನು ಹೆಚ್ಚೆಚ್ಚು ಬಳಸುವ ಬದಲು ಮನೆಯಲ್ಲೇ ಇರುವ ವಸ್ತುಗಳಿಂದ ಸೌಂದರ್ಯ ಹೆಚ್ಚಿಸಿಕೊಳ್ಳುವುದು ಉಪಯುಕ್ತ. ಅಂಥ ವಸ್ತುಗಳಲ್ಲಿ ಪುದೀನಾ ಕೂಡ ಒಂದು.
*ಒಂದು ಕಪ್ ಹರಳು ಸಕ್ಕರೆ, 1/3 ಕಪ್ ತೆಂಗಿನ ಎಣ್ಣೆ, ಒಂದು ಚಮಚ ಗ್ರೀನ್ ಟೀ ಪೌಡರ್, ಆರು ಹನಿ ಪುದೀನಾ ಎಣ್ಣೆಯನ್ನು ಚೆನ್ನಾಗಿ ಮಿಶ್ರಣ ಮಾಡಿ, ಇದನ್ನು ಬಾಡಿ ಸ್ಕ್ರಬ್ ರೀತಿಯಲ್ಲಿ ಬಳಸಬಹುದು. ಇದು ತ್ವಚೆಯಲ್ಲಿ ತೇವಾಂಶ ಹೆಚ್ಚಿಸಿ ಕಾಂತಿಯನ್ನು ನೀಡುತ್ತದೆ.
*ಪುದೀನಾ ಎಲೆಯನ್ನು ಚೆನ್ನಾಗಿ ಅರೆದು ಅದಕ್ಕೆ ಜೇನುತುಪ್ಪ ಸೇರಿಸಿ ಫೇಸ್ ಪ್ಯಾಕ್ ಮಾಡಿಕೊಳ್ಳಿ. ಇದು ತ್ವಚೆಗೆ ಶಕ್ತಿ ನೀಡಿ ಚರ್ಮದಲ್ಲಿರುವ ಎಣ್ಣೆ ಜಿಡ್ಡನ್ನು ಹೋಗಲಾಡಿಸುತ್ತದೆ. ಚರ್ಮ ಹೊಳೆಯುವಂತೆ ಮಾಡುತ್ತದೆ.
*ಪುದೀನಾ ಎಲೆಯನ್ನು ರೋಸ್ ವಾಟರ್ನೊಂದಿಗೆ ರುಬ್ಬಿ ಮೊಡವೆಗೆ ಹಚ್ಚಿ. ಹೆಚ್ಚು ಮೊಡವೆ ಸಮಸ್ಯೆ ಇದ್ದಲ್ಲಿ ರಾತ್ರಿ ಮಲಗುವಾಗ ಹಚ್ಚಿ ಬೆಳಿಗ್ಗೆ ಮುಖ ತೊಳೆದುಕೊಳ್ಳಿ. ಇದು ಮೊಡವೆಯನ್ನು ಹೋಗಲಾಡಿಸುವುದಷ್ಟೇ ಅಲ್ಲ, ಈ ಸಮಸ್ಯೆ ಮತ್ತೆ ಮತ್ತೆ ಬಾರದಂತೆ ತಡೆಯುತ್ತದೆ.
*ಪುದೀನಾ ಪೇಸ್ಟ್ ಅಥವಾ ಪುದೀನಾ ಜ್ಯೂಸ್ ಅನ್ನು ಕಣ್ಣಿನ ಕೆಳಗೆ ಹಚ್ಚುವುದರಿಂದ ಕಪ್ಪು ವರ್ತುಲ ಕಡಿಮೆಯಾಗತ್ತದೆ.
*ಪುದೀನಾ ಎಣ್ಣೆಯನ್ನು ಕೂದಲಿಗೆ ಹಚ್ಚಿದರೆ ಹೇನು ಮಾಯ.
*ಪುದೀನಾ ಎಲೆಯನ್ನು ನೀರಿನಲ್ಲಿ ಕುದಿಸಬೇಕು. ನಂತರ ತಡೆದುಕೊಳ್ಳಲು ಸಾಧ್ಯವಿರುವಷ್ಟು ಬಿಸಿ ಇರುವಾಗ ಪಾದವನ್ನು ಅದರಲ್ಲಿ ನೆನೆಸಬೇಕು. ಇದರಿಂದ ಕಾಲು ಒಡಕು ಕಡಿಮೆಯಾಗುತ್ತದೆ.
*ಪುದೀನಾ ನೀರಿನಿಂದ ಕೂದಲು ತೊಳೆದರೆ ಕೂದಲು ಹೊಳಪು ಪಡೆಯುತ್ತದೆ.
*ಬಿಸಿಲಿನಿಂದ ಚರ್ಮ ಕಪ್ಪಾಗಿದ್ದರೆ ಪುದೀನಾ ಜ್ಯೂಸ್ಗೆ ಅರಿಶಿನ ಸೇರಿಸಿ ಹಚ್ಚಿಕೊಳ್ಳಬಹುದು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.