ಇಂದಿನಿಂದ ರಾಷ್ಟ್ರೀಯ ಜೂನಿಯರ್‌ ಮಹಿಳಾ ಹಾಕಿ

ಮೈಸೂರು: ಹಾಕಿ ಕರ್ನಾಟಕದ ಆಶ್ರಯದಲ್ಲಿ ಬುಧವಾರದಿಂದ ಆರಂಭವಾಗಲಿರುವ ರಾಷ್ಟ್ರೀಯ ಜೂನಿಯರ್ ಬಿ ಮತ್ತು ಎ ಡಿವಿಷನ್ ಹಾಕಿ ಟೂರ್ನಿಗೆ ಚಾಮುಂಡಿ ವಿಹಾರದ ಆಸ್ಟ್ರೋ ಟರ್ಫ್ ಅಂಗಳ ಸಿದ್ಧವಾಗಿದೆ.

ಕಳೆದ ದಸರಾದಲ್ಲಿ ಉದ್ಘಾಟನೆ ಯಾದ ಈ ಟರ್ಫ್‌ನಲ್ಲಿ ರಾಷ್ಟ್ರಮಟ್ಟ ದ ಆಹ್ವಾನಿತ ಮಹಿಳಾ ಹಾಕಿ ಟೂರ್ನಿಯ ನಂತರ ನಡೆಯುತ್ತಿರುವ ಮಹತ್ವದ ಟೂರ್ನಿ ಇದಾಗಲಿದೆ. ಬುಧವಾರ ಆರಂಭವಾಗಲಿರುವ ಬಿ ಡಿವಿಷನ್ ಟೂರ್ನಿಯಲ್ಲಿ 16 ತಂಡಗಳು ಭಾಗವಹಿಸಲಿವೆ. ಮಾ.13 ರಂದು ಫೈನಲ್‌ ಪಂದ್ಯ ನಡೆಯಲಿದೆ.