ಉದ್ದೀಪನ ಮದ್ದು ಪರೀಕ್ಷೆ: ವೇಟ್‌ಲಿಫ್ಟರ್‌ ಸಂಜೀತಾ ಚಾನು ಅಮಾನತು
Published 31 ಮೇ 2018, 17:34 IST
ಸಂಜೀತಾ ಚಾನು (ಸಂಗ್ರಹ ಚಿತ್ರ)
ನವದೆಹಲಿ: ನಿಷೇಧಿತ ಅನಾಬೊಲಿಕ್‌ ಸ್ಟೈರಾಯಿಡ್‌ ತೆಗೆದುಕೊಂಡಿರುವುದು ಉದ್ದೀಪನ ಮದ್ದು ಪರೀಕ್ಷೆಯಲ್ಲಿ ಕಂಡುಬಂದಿದ್ದರಿಂದ ವೇಟ್‌ಲಿಫ್ಟರ್‌ ಸಂಜೀತಾ ಚಾನು ಅವರನ್ನು ಇಂಟರ್‌ನ್ಯಾಷನಲ್‌ ವೇಟ್‌ಲಿಫ್ಟಿಂಗ್‌ ಫೆಡರೇಷನ್‌ ತಾತ್ಕಾಲಿಕವಾಗಿ ಅಮಾನತು ಮಾಡಿದೆ.
ಪರೀಕ್ಷೆಗಾಗಿ ಚಾನು ಅವರಿಂದ ಮಾದರಿ ಕಲೆಹಾಕಿದ ದಿನಾಂಕವನ್ನು ಬಹಿರಂಗಪಡಿಸಿಲ್ಲ. ಈ ಪ್ರಕರಣ ಸಂಪೂರ್ಣವಾಗಿ ಇತ್ಯರ್ಥವಾಗುವವರೆಗೂ ಯಾವುದೇ ಹೇಳಿಕೆಗಳನ್ನು ನೀಡಲು ಫೆಡರೇಷನ್‌ ನಿರಾಕರಿಸಿದೆ.
ಆಸ್ಟ್ರೇಲಿಯಾದ ಗೋಲ್ಡ್‌ಕೋಸ್ಟ್‌ನಲ್ಲಿ ಇತ್ತೀಚೆಗೆ ನಡೆದ ಕಾಮನ್‌ವೆಲ್ತ್‌ ಕ್ರೀಡಾಕೂಟದಲ್ಲಿ 53 ಕೆ.ಜಿ.ವಿಭಾಗದಲ್ಲಿ ಚಾನು ಬಂಗಾರದ ಪದಕ ಜಯಿಸಿದ್ದರು.
ಗ್ಲಾಸ್ಗೊದಲ್ಲಿ 2014ರಲ್ಲಿ ನಡೆದ ಕಾಮನ್‌ವೆಲ್ತ್‌ ಗೇಮ್ಸ್‌ನಲ್ಲೂ ಚಾನೂ 48 ಕೆ.ಜಿ.ವಿಭಾಗದಲ್ಲಿ ಚಿನ್ನ ಕೊರಳಿಗೇರಿಸಿಕೊಂಡಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.