ಎಂಇಜಿ ಎಗೆ ಜಯ

ಬೆಂಗಳೂರು: ಮದ್ರಾಸ್ ಎಂಜಿನಿಯರಿಂಗ್ ಗ್ರೂಪ್ (ಎಂಇಜಿ) `ಎ~ ತಂಡದವರು ಕರ್ನಾಟಕ ರಾಜ್ಯ ಹಾಕಿ ಸಂಸ್ಥೆ ಆಶ್ರಯದಲ್ಲಿ ಇಲ್ಲಿ ನಡೆಯುತ್ತಿರುವ ಸೂಪರ್ ಡಿವಿಷನ್ ಹಾಕಿ ಲೀಗ್ ಚಾಂಪಿಯನ್‌ಷಿಪ್‌ನಲ್ಲಿ ಜಯ ಗಳಿಸಿದರು.

ಅಕ್ಕಿ ತಿಮ್ಮನಹಳ್ಳಿ ರಾಜ್ಯ ಹಾಕಿ ಕ್ರೀಡಾಂಗಣದಲ್ಲಿ ಬುಧವಾರ ನಡೆದ ಪಂದ್ಯದಲ್ಲಿ ಎಂಇಜಿ 4-2 ಗೋಲುಗಳಿಂದ ಎಬಿಎಚ್‌ಎ ತಂಡವನ್ನು ಪರಾಭವಗೊಳಿಸಿತು. ವಿಜಯಿ ತಂಡದ ಮುತ್ತಣ್ಣ (37ನೇ ಹಾಗೂ 56ನೇ ನಿ.) ಹಾಗೂ ಸಿರಾಜ್ (49ನೇ ಹಾಗೂ 51ನೇ ನಿ.) ಚೆಂಡನ್ನು ಗುರಿ ಸೇರಿಸಿದರು. ಎಬಿಎಚ್‌ಎ ತಂಡದ ವಿನೀತ್ ಮೈಕಲ್ (12ನೇ ನಿ.) ಹಾಗೂ ಬಸಂತ್ ಟರ್ಕಿ (27ನೇ ನಿ.) ಗೋಲು ಗಳಿಸಿದರು.

ಇತರ ಪಂದ್ಯಗಳಲ್ಲಿ ಎಎಸ್‌ಸಿ 3-1 ಗೋಲುಗಳಿಂದ ಎಂಎಲ್‌ಐ ಎದುರೂ, ಆರ್ಮಿ ಗ್ರೀನ್ 4-1 ಗೋಲುಗಳಿಂದ ಕೆಎಸ್‌ಪಿ ತಂಡದ ವಿರುದ್ಧವೂ ಗೆಲುವು ಸಾಧಿಸಿದವು.