ಎ ಡಿವಿಷನ್ ಹಾಕಿ: ಹುಬ್ಬಳ್ಳಿ ತಂಡಕ್ಕೆ ವಿಜಯ

ಬೆಂಗಳೂರು: ಹುಬ್ಬಳ್ಳಿಯ ಸೌತ್ ವೆಸ್ಟರ್ನ್ ರೈಲ್ವೆ ಹಾಗೂ ಬೆಂಗಳೂರಿನ ಡಿವೈಎಸ್‌ಎಸ್ `ಎ~ ತಂಡದವರು ಇಲ್ಲಿ ನಡೆಯುತ್ತಿರುವ ಕರ್ನಾಟಕ ರಾಜ್ಯ ಹಾಕಿ ಸಂಸ್ಥೆ ಆಶ್ರಯದ `ಎ~ ಡಿವಿಷನ್ ಹಾಕಿ ಲೀಗ್ ಚಾಂಪಿಯನ್‌ಷಿಪ್‌ನಲ್ಲಿ ಜಯಗಳಿಸಿದರು.

ಅಕ್ಕಿತಿಮ್ಮನಹಳ್ಳಿ ರಾಜ್ಯ  ಹಾಕಿ  ಸಂಸ್ಥೆ  ಕ್ರೀಡಾಂಗಣದಲ್ಲಿ  ಗುರುವಾರ ನಡೆದ ಪಂದ್ಯದಲ್ಲಿ ಸೌತ್ ವೆಸ್ಟರ್ನ್ ರೈಲ್ವೆ ತಂಡ 1-0 ಗೋಲಿನಿಂದ ಬಿಎಸ್‌ಎನ್‌ಎಲ್ ತಂಡವನ್ನು ಮಣಿಸಿತು. ವಿಜಯದ ಗೋಲು 23ನೇ ನಿಮಿಷದಲ್ಲಿ ಹಸನ್ ಅಲಿ ಮೂಲಕ ಬಂತು.

ಇದೇ ಲೀಗ್ ಇನ್ನೊಂದು ಪಂದ್ಯದಲ್ಲಿ  ಡಿವೈಎಸ್‌ಎಸ್ `ಎ~ ತಂಡ 4-1 ಗೋಲುಗಳಿಂದ ಗದಗಿನ ಎಸ್‌ಎಚ್‌ಬಿಎಚ್‌ಸಿ ಮೇಲೆ ಸುಲಭ ಜಯ ಪಡೆಯಿತು. ವಿಜಯಿ ತಂಡದ ಕುಶಾ (3), ಸಹದೇವ್ ಹಾಗೂ ಎದುರಾಳಿ ತಂಡದ ಪ್ರವೀಣ್ ಗೋಲು ತಂದಿತ್ತರು.