ಕೇಕ್‌ನಲ್ಲಿ ಮಿಂದೆದ್ದ ಹಾರ್ದಿಕ್ ಪಾಂಡ್ಯ

ನವದೆಹಲಿ: ಜನ್ಮದಿನದ ಅಂಗವಾಗಿ ಆಯೋಜಿಸಿದ್ದ ಸಂಭ್ರಮಾಚರಣೆಯಲ್ಲಿ ಭಾರತ ಕ್ರಿಕೆಟ್ ತಂಡದ ಆಲ್‌ರೌಂಡರ್‌ ಹಾರ್ದಿಕ್ ಪಾಂಡ್ಯ ಕೇಕ್‌ನಲ್ಲಿ ಮಿಂದೆದ್ದ ವಿಡಿಯೊ ಸಾಮಾಜಿಕ ತಾಣಗಳಲ್ಲಿ ಹರಿದಾಡುತ್ತಿದೆ.

ಅಕ್ಟೋಬರ್‌ 11ರಂದು ಪಾಂಡ್ಯ ಅವರಿಗೆ 24 ವರ್ಷ ತುಂಬಿದ ದಿನ. ಇದರ ಅಂಗವಾಗಿ ಹೋಟೆಲ್‌ನಲ್ಲಿ ಕಾರ್ಯಕ್ರಮ ಆಯೋಜಿಸಲಾಗಿತ್ತು. ಮೇಜಿನ ಮೇಲೆ ದೊಡ್ಡ ಕೇಕ್ ಕತ್ತರಿಸಿ ಇಡಲಾಗಿತ್ತು.

ಅದರ ಭಾಗಗಳನ್ನು ತೆಗೆದುಕೊಂಡು ಬಂದು ತಂಡದ ಸಹ ಆಟಗಾರರು ಪಾಂಡ್ಯ ಅವರಿಗೆ ಹಚ್ಚಿದರು. ಯಜುವೇಂದ್ರ ಚಾಹಲ್ ಅವರಂತೂ ಪಾಂಡ್ಯ ಅವರ ಇಡೀ ದೇಹಕ್ಕೆ ಕೇಕ್‌ ಮೆತ್ತಿದರು. ಹೀಗಾಗಿ ಕೆಲವೇ ಕ್ಷಣಗಳಲ್ಲಿ ಅವರು ಕೇಕ್‌ನಲ್ಲಿ ಮುಳುಗಿದರು ಎಂದು ‘ಜೀ ನ್ಯೂಸ್’ ಸಂಸ್ಥೆ ಸುದ್ದಿ ಮಾಡಿದೆ.