ಕೊಡವ ಕುಟುಂಬಗಳ ಹಾಕಿಗೆ ವೈಭವಯುತ ಚಾಲನೆ

ನಾಪೋಕ್ಲು (ಕೊಡಗು): ಕೊಡವ ಕುಟುಂಬಗಳ ನಡುವೆ ನಡೆಯುವ 22ನೇ ವರ್ಷದ ಹಾಕಿ ನಮ್ಮೆಗೆ ಭಾನುವಾರ ಕಾವೇರಿ ನದಿ ದಡದ ಚೆರಿಯಪರಂಬು ಮೈದಾನದಲ್ಲಿ ಭಾನುವಾರ ವೈಭವಯುತ ಚಾಲನೆ ದೊರೆಯಿತು.

ಕೊಡವ ಹಾಕಿ ಅಕಾಡೆಮಿ ಉಪಾಧ್ಯಕ್ಷ ಕಲಿಯಂಡ ನಾಣಯ್ಯ ಪಂದ್ಯಾವಳಿಗೆ ಚಾಲನೆ ನೀಡಿದರು.

ಉದ್ಘಾಟನೆಯ ಬಳಿಕ ಒಲಿಂಪಿಯನ್ ಇಲವೆನ್ ಹಾಗೂ ಕೂರ್ಗ್ ಇಲವೆನ್ ತಂಡಗಳ ನಡುವೆ ಪ್ರದರ್ಶನ ಪಂದ್ಯ ಆರಂಭವಾಗಿದ್ದು ಮೊದಲಾರ್ಧದಲ್ಲಿ ಯಾವುದೇ ಗೋಲು ದಾಖಲಾಗಿಲ್ಲ.